بٷگٸندە «قاراعاندى - بالقاش» تاسجولىندا 360 شاقىرىم جول قايتا جٶندەلٸپ جاتىر, دەپ حابارلايدى "ۇلت اقپارات".
«دەل قازٸر «قاراعاندى - بالقاش» تاسجولىندا تۇرمىز, مۇندا ۇزىندىعى 360 شاقىرىم جول قايتا جٶندەلٸپ جاتىر. بۇل تاسجول بۇرىن 2 جولاقتى بولسا, ەندٸ 4 جولاقتى بولىپ كەڭەيتٸلۋدە. بۇل جولدىڭ باسى نۇر-سۇلتان قالاسىنان باستالىپ, جول جٶنەكەي تەمٸرتاۋ, قاراعاندى, بالقاشقا دەيٸن, ودان ەرٸ الماتىعا جالعاسادى. جوسپار بويىنشا جٶندەۋ جۇمىستارىن كەلەسٸ جىلى اياقتاپ, 2022 جىلى تولىقتاي پايدالانۋعا بەرەمٸز», - دەدٸ «قازاۆتوجول» ۇلتتىق كومپانيياسىنىڭ باسقارما تٶراعاسى ۇلان ەلٸپ باق ٶكٸلدەرٸنە ارنالعان باسپاسٶز تۋرى بارىسىندا.
ونىڭ ايتۋىنشا, اتالعان باعىتتاعى جولدى جٶندەۋ جۇمىستارىنا 2 مەردٸگەر كومپانييا, 1 مىڭعا جۋىق تەحنيكا جەنە 5 مىڭداي مامان تارتىلدى.
«بۇل جوبانىڭ تيٸمدٸلٸگٸنە كەلسەك, الدىمەن جولاۋشىلار ٶز ۋاقىتىن ٷنەمدەيدٸ, سونداي-اق, قاراعاندى وبلىسىنىڭ كٶلٸك-لوگيستيكالىق ەلەۋەتٸن ارتتىرادى. ودان بٶلەك, كٶلٸكپەن تاسىمالداناتىن جٷك اينالىمىنىڭ ۇلعايۋىمەن قاتار حالىقارالىق تاسىمالدىڭ ارتۋىنا ەكەلەدٸ. اتاپ ايتساق, «نۇر-سۇلتان – قاراعاندى – بالقاش» تاسجولىن قايتا جاڭعىرتۋ ٶزبەكستان, تەجٸكستان, قىتاي جەنە رەسەي فەدەراتسيياسىنا شىعۋ مٷمكٸندٸگٸن قامتاماسىز ەتەدٸ», - دەدٸ ول.
ۇلتتىق كومپانييا باسشىسىنىڭ سٶزٸنە سەنسەك, «نۇرلى جول» باعدارلاماسى اياسىندا بيىلعا دەيٸن ەل كٶلەمٸندە 13 مىڭ شاقىرىم جولعا جٶندەۋ جۇمىستارى جٷرگٸزٸلدٸ. پرەزيدەنت تاپسىرماسىنا سەيكەس, 2025 جىلعا دەيٸن 24 مىڭ شاقىرىم جول قايتا جٶندەلەتٸن بولادى.
