اقش سوتى بيىل قاڭتاردا "باقسى كيٸمٸندە كاپيتولييگە باسىپ كٸرگەن" اريزونا شتاتىنىڭ تۇرعىنى دجەيكوب چەنسليدٸ ٷش جىل بەس ايعا باس بوستاندىعىنان ايىردى.
ايىپتاۋ تارابى باقسىعا تٶرت جىلدان استام جازا سۇراعان. ادۆوكاتتار ون ايعا تٷرمەگە قاماۋدى ٶتٸنگەن. قورعاۋ تارابىنىڭ ايتۋىنشا, چەنسلي "باياۋ اعىمدى شيزوفرەنييا", ۋايىم-قايعى مەن دەپرەسسيياعا شالدىققان. سوتتالۋشى كٸنەسٸن مويىندادى.
چەنسلي كاپيتولييدەگٸ تەرتٸپسٸزدٸك كەزٸندە مٷيٸزٸ بار تىماق كيٸپ, ەرەكشە كوستيۋمٸمەن كٶزگە تٷسكەن. ول سەنات عيماراتىندا ۆيتسە-پرەزيدەنتتٸڭ ٷستەلٸنە وتىرىپ, سۋرەتكە تٷسكەن. ونىڭ بارلىعى اقپارات قۇرالدارى مەن ەلەۋمەتتٸك جەلٸگە كەڭٸنەن تارالدى.
ول 9 قاڭتاردا ۇستالدى. سول كٷنٸ وعان كاپيتولييگە قاساقانا تٷردە باسىپ كٸرٸپ, قوعامدىق تەرتٸپتٸ بۇزدى دەگەن ايىپ تاعىلدى. ارتىنشا قامالدى.
پرەزيدەنت دونالد ترامپ جاقتاستارى 6 قاڭتاردا كاپيتوليي عيماراتىنا باسىپ كٸرٸپ, دەموكرات دجو بايدەننٸڭ پرەزيدەنت سايلاۋىنداعى جەڭٸسٸن بەكٸتپەك بولعان سەنات وتىرىسىنا كەدەرگٸ كەلتٸرگەن. شتۋرمنان كەيٸن بەس ادامنىڭ قازا بولعان بەلگٸلٸ بولدى. اراسىندا بٸر پوليتسييا وفيتسەرٸ بار.
كاپيتولييدەگٸ وقيعانىڭ الدىندا سول كٷنٸ دونالد ترامپ اق ٷيگە جاقىن اۋماقتا جاقتاستارىنىڭ الدىندا سٶز سٶيلەگەن. ول "پرەزيدەنت سايلاۋىنىڭ نەتيجەسٸ بۇرمالانعانىن" ايتىپ, سوتتا زاڭگەرلەرٸ دەلەلدەي الماعان تۇجىرىمداردى جەتكٸزگەن.
