سۋرەت: facebook / Anatoliy Ivanov-Weisskopf
الماتى قالاسى پوليتسييا دەپارتامەنتٸنٸڭ باسشىسىنىڭ بۇرىنعى ورىنباسارى بەرٸك ەدٸلبەكوۆ مەن تاعى دا بٸرقاتار پوليتسييا قىزمەتكەرلەرٸ 2022 جىلعى قاڭتار وقيعاسى كەزٸندە ازاپتاۋ ٸسٸ بويىنشا سوتتالدى, دەپ حابارلايدى Kursiv.kz.
سوت ٷكٸمٸمەن بەرٸك ەبٸلبەكوۆ, سەرٸك تۇرپانباەۆ, باۋىرجان سوپاقوۆ, نۇرسۇلتان حاميتوۆ, ارمان شويبەكوۆ, ولجاس ايدارحانوۆ ٷش جىلعا باس بوستاندىعىنان ايىرىلدى. پوليتسييا قىزمەتكەرلەرٸ سوت زالىندا قاماۋعا الىندى.
پروكۋرور ازاپتاۋعا ايىپتىلارعا ٷش جىل باس بوستاندىعىنان ايىرۋ جازاسىن سۇراعان بولاتىن. دەسە دە, جەبٸرلەنۋشٸ تاراپ ٷش جىلدىڭ تىم از ەكەنٸن ايتقان.
ايتا كەتەتٸن جايت, قاڭتار وقيعاسى كەزٸندە ۇستالعان ازاماتتاردى ازاپتاۋ بويىنشا سوت پروتسەسٸ ٶتكەن قىركٷيەك ايىندا باستالعان بولاتىن. سوتتالۋشىلارعا «لاۋازىمىن اسىرا پايدالانۋ» جەنە «ازاپتاۋ» بابىمەن ايىپ تاعىلعان-دى.
بۇل قىلمىستىق ٸس بويىنشا, قاڭتاردا ازاپتالعان 44 ازامات جەبٸرلەنۋشٸ بولىپ تانىلعان. ونىڭ بٸرٸ – قىرعىزستاندىق مۋزىكانت ۆيكرام رۋزاحۋنوۆ. بۇدان بٶلەك, 23 ٶزبەكستان ازاماتى بار.
سوت زالىنىڭ الدىنا ٸستٸ بولعان ەرٸپتەستەرٸن قولداۋعا 50-گە جۋىق پوليتسييا كەلگەن. ولار ەرٸپتەستەرٸن كٸنەلٸ دەپ ەسەپتەمەيدٸ. جوعارىدان تٷسكەن بۇيرىقتى ورىنداعانىن العا تارتىپ وتىر.
مۇنىڭ الدىندا الماتى گارنيزونىنىڭ ەسكەري سوتىندا قاڭتار وقيعاسىندا وققا ۇشقان ارحەولوگ ەرلان جاعىپاروۆتىڭ ٸسٸ بويىنشا سوت وتىرىسى جابىق رەجيمدە ٶتكەنٸن جازعان ەدٸك.
