قاڭتار وقيعاسىنا دەيٸن پوليتسييا مەن نارازىلىق بٸلدٸرۋشٸلەردٸڭ اراسىندا ەشقانداي قاقتىعىس بولماعان. بۇل تۋرالى مەجٸلٸستە قر ٸشكٸ ٸستەر مينيسترٸ مارات احمەتجانوۆ ايتتى, دەپ حابارلايدى قازاقپارات.
«ٶزدەرٸڭٸز بٸلەسٸز, 2020 جىلى «بەيبٸت جينالىستار تۋرالى» جاڭا زاڭ كٷشٸنە ەندٸ. ميتينگ ۇيىمداستىرۋ پروتسەسٸ «رۇقسات بەرۋ» جٷيەسٸنەن «حابارلاما» قاعيداتىنا كٶشتٸ. وسىعان وراي, پوليتسييانىڭ قوعامدىق تەرتٸپتٸ قامتاماسىز ەتۋ ەدٸستەرٸ ٶزگەردٸ. پوليتسييا قىزمەتكەرلەرٸ ميتينگ ٶتەتٸن اۋماققا جاقىن جەردە ورنالاسادى. قارۋ مەن ارنايى قۇرالداردى قولدانبايدى. جينالعاندارمەن تٸكەلەي قارىم-قاتىناستى تەك ەكٸمدٸك ٶكٸلدەرٸ عانا جٷزەگە اسىرادى», - دەدٸ مينيستر.
ونىڭ اتاپ ٶتۋٸنشە, پوليتسييا ميتينگتٸ توقتاتۋ ٷشٸن ازاماتتاردىڭ ٶمٸرٸ مەن دەنساۋلىعىنا, قوعامدىق تەرتٸپكە قاۋٸپ تٶنگەن, مٷلٸككە زالال كەلتٸرۋ, ەلەۋمەتتٸك, نەسٸلدٸك, دٸني الاۋىزدىقتى قوزدىرۋ; كونستيتۋتسييالىق قۇرىلىستى, ايماقتىق تۇتاستىقتى كٷشپەن قۇلاتۋعا شاقىرۋ فاكتٸلەرٸ ورىن العان جاعدايلاردا عانا تارتىلادى.
«جاڭا زاڭ كٷشٸنە ەنگەننەن باستاپ, پوليتسييا مەن نارازىلىق بٸلدٸرۋشٸلەردٸڭ اراسىندا ەشقانداي قاقتىعىس بولماعان. تۋرا وسى الگوريتم قاڭتار وقيعالارىنىڭ العاشقى كٷندەرٸندە دە قولدانىلدى», - دەدٸ مارات احمەتجانوۆ.
