قازاقستاندا قاڭتاردا بولعان جاپپاي ەرەۋٸل كەزٸندە قىلمىس جاسادى دەگەن كٷدٸكپەن 1 مىڭنان استام ادام جاۋاپقا تارتىلىپ جاتىر. بۇل تۋرالى قر ٸٸم تەرگەۋ دەپارتامەنتٸنٸڭ باسقارما باسشىسى ەرمەك شٷلدەن مەلٸم ەتتٸ, دەپ حابارلايدى قازاقپارات.
«قازٸر قاڭتار وقيعاسىنا قاتىستى ەر ٸس جان-جاقتى قارالىپ جاتىر. جاپپاي تەرتٸپسٸزدٸكتٸڭ سەبەبٸ مەن سالدارى انىقتالۋدا. بٷگٸندە 2919 قىلمىستىق ٸس قوزعالعان. ونىڭ دەنٸ - ۇرلىق پەن توناۋ. جاپپاي تەرتٸپسٸزدٸكتٸ پايدالانىپ قاراپايىم حالىقتىڭ مٷلكٸن تالان-تاراجعا سالىپ, توناعان. سونىمەن قاتار زاڭسىز قارۋ-جاراق يەلەنۋ دە بار. قازٸرگٸ تاڭدا وسى قىلمىستىق ٸستەر بويىنشا 1 مىڭنان استام ادام جاۋاپكەرشٸلٸككە تارتىلىپ جاتىر. ونىڭ 400-ٸ كٷزەتپەن ۇستالدى, ونىڭ ٸشٸندە 219 ادامعا باس بۇلتارتپاۋ شاراسىن قولداندىق», - دەدٸ ەرمەك شٷلدەن «Qazaqstan» ۇلتتىق تەلەارناسىنىڭ «Ashyq alań» قوعامدىق-ساياسي توك-شوۋىنىڭ ەفيرٸندە.
ٸٸم ٶكٸلٸنٸڭ ايتۋىنشا, ۇستالعان كٷدٸكتٸلەردٸڭ ٸشٸندە جاسٶسپٸرٸمدەر دە بار.
«قاڭتار وقيعاسى كٶلەمدٸ, قارالاتىن ٸس كٶپ. ەر وقيعانى تيياناقتى, وبەكتيۆتٸ تٷردە قاراۋ كەرەك. جاپپاي تەرتٸپسٸزدٸك كەزٸندە 1700-دەن استام نىسان زاقىمداندى. ٸشكٸ ٸستەر ورگاندارى ۇرلىق, كٸسٸ ٶلتٸرۋ, توناۋ جەنە باسقا قىلمىس تٷرٸ بويىنشا تەرگەۋ جالعاسىپ جاتىر», - دەيدٸ ول.
