مەكسيكالىق بوكسشى ساۋل كانەلو الۆارەستٸڭ باپكەرٸ ەددي رەينوسو سپورتشىنىڭ كەلەسٸ قارسىلاسىنىڭ كٸم بولاتىنىن ايتتى, - دەپ حابارلايدى Vesti.kz.
ونىڭ ايتۋىنشا, كانەلونىڭ كەلەسٸ كەزدەسۋٸ 3 ايدان سوڭ ٶتۋٸ مٷمكٸن.
"بٸز 3 ايدان كەيٸن كەلەسٸ جەكپە-جەكتٸ ٶتكٸزۋدٸ جوسپارلاپ وتىرمىز. ەكٸنشٸ ورتا سالماقتا بيللي دجو سوندەرس نەمەسە كالەب پلانتقا قارسى كەزدەسۋ ٶتكٸزگٸمٸز كەلەدٸ", - دەدٸ ەددي رەينوسو Boxing Social-عا بەرگەن سۇحباتىندا.
سونىمەن قاتار, ول مەكسيكالىق بوكسشىنىڭ سوڭعى جەكپە-جەگٸنە كٶڭٸلٸ تولاتىنىن اتاپ ٶتتٸ.
"مەن ونىڭ سميتكە قارسى ٶتكٸزگەن كەزدەسۋٸنە كٶڭٸلٸم تولادى. ول شابۋىل جاساپ, جاقسى قورعانا بٸلدٸ. مەن ونىڭ جەڭٸسكە جەتكەنٸنە قۋانىشتىمىن. سەبەبٸ, بٸز جەڭٸسكە جەتە بٸلدٸك. كانەلو سالماق دەرەجەسٸنە قاراماستان ەڭ ٷزدٸك بوكسشى ەكەنٸنە كٷمەنٸم جوق. ول سپورتتىق مانسابىن اياقتاعان كەزدە بوكس تاريحىنداعى ەڭ ٷزدٸكتەردٸڭ قاتارىندا بولادى", - دەيدٸ ەددي رەينوسو.
ايتا كەتەيٸك, WBO چەمپيونى بيللي دجو سوندەرس 4 جەلتوقساندا جەكپە-جەك ٶتكٸزگەن ەدٸ. ول 3 ايدان كەيٸن كانەلوعا قارسى جۇدىرىقتاسۋعا دايىن بولۋى مٷمكٸن. الايدا 30 قاڭتاردا IBF چەمپيونى كالەب پلانت كالەب ترويعا قارسى تيتۋلىن قورعايدى.
سونىمەن قاتار, كانەلو گولوۆكينمەن 3 رەت جۇدىرىقتاسۋعا قارسى ەمەس ەكەنٸن اتاپ ٶتتٸ.
ەسكە سالايىق, 2017 جىلدىڭ كٷزٸندە GGG مەن كانەلو بٸرٸنشٸ كەزدەسۋٸن ٶتكٸزٸپ, تەڭ تٷسكەن. ال 1 جىلدان كەيٸن تٶرەشٸلەردٸڭ شەشٸمٸمەن مەكسيكالىق بوكسشى جەڭٸسكە جەتكەن ەدٸ.
