مەكسيكالىق بوكسشى ساۋل الۆارەستٸڭ باپكەرٸ ەددي رەينوسو «كانەلونىڭ» كەلەسٸ جىلدىڭ مامىرىنداعى ايقاسقا شىعۋى ىقتيمال قارسىلاستاردىڭ تٸزٸمٸنە قازاقستاندىق ەلەم چەمپيونى گەنناديي گولوۆكيندٸ ەنگٸزدٸ. بۇل تۋرالى The Athletic بەدەلدٸ ينسايدەرٸ لەنس پاگماير Twitter-دەگٸ پاراقشاسىندا جازدى, دەپ حابارلايدى Sports.kz سايتى.
«ەددي رەينوسو «كانەلونىڭ» مامىردا ٶتەتٸن ايقاسىنا بٸرنەشە بوكسشىنىڭ قارسىلاس رەتٸندە قاراستىرىلىپ جاتقانىن ايتتى. بۇل تٸزٸمگە گەنناديي گولوۆكيندٸ قوسقان, سونداي-اق ولاردىڭ اراسىندا دجەرمالل چارلو مەن بيللي دجو سوندەرس بار. بۇدان بٶلەك, ول «كانەلو» جەڭٸسكە جەتٸپ جاتسا, بەتەربيەۆپەن ايقاسۋعا قارسى ەمەستٸگٸن مەلٸم ەتتٸ», - دەپ جازدى پاگماير.
ەسكە سالايىق, 2 قاراشادا «كانەلو» رەسەيلٸك سەرگەي كوۆالەۆپەن كەزدەسەدٸ.
بۇدان بۇرىن گولوۆكيننٸڭ رينگكە كەلەسٸ جىلدىڭ اقپانىندا ورالاتىنى جوسپارلانىپ وتىرعانى حابارلاندى. الايدا, «كانەلومەن» ٷشٸنشٸ جەكپە-جەك ۇيىمداستىرىلاتىن بولسا, ول مامىرعا دەيٸن كٷتۋگە دايىن.
