قازاقستاندىق كەسٸپقوي بوكسشىسى قانات Qazaq يسلام الماتىدا ەيگٸلٸ فيليپپيندٸك مەنني پاكياومەن جۇدىرىقتاسۋى مٷمكٸن. بۇل تۋرالى بوكسشىنىڭ PR مەنەدجەرٸ بەرٸك سۇلتان facebook جەلٸسٸندەگٸ پاراقشاسىندا جازدى.
«پاكياونىڭ كومانداسى دايىن بولسا, QAZAQ كومانداسى دايىن. 22 ناۋرىز الماتى قالاسى "Almaty arena" سپورت كەشەنٸندە بوكس جانكٷيەرلەرٸ ٷشٸن ٷلكەن شوۋ جاساۋعا بٸز ساقاداي سايمىز. پاكمەننٸڭ كومانداسى كەلٸسسە بولدى», - دەلٸنگەن جازبادا.
ايتا كەتەيٸك, قانات يسلام سوڭعى كەزدەسۋٸن 9 قىركٷيەك كٷنٸ ەلوردامىز استانا قالاسىندا ٶتكٸزٸپ, كانادالىق برەندون كۋكتى (18-1, 11 كو) توعىزىنشى راۋندتا تەحنيكالىق نوكاۋتپەن جەڭدٸ. وسىلايشا وتانداسىمىز WBO NABO جەنە WBA Inter-Continental بەلبەۋلەرٸن قورعاپ قالعان ەدٸ. ال فيليپپيندٸك بوكسشى سوڭعى رەت 2 شٸلدە كٷنٸ اۋسترالييادا جەكپە-جەك ٶتكٸزٸپ, دجەف حورننان جەڭٸلگەن ەدٸ.
