Qazaqstandyq kásipqoi boksshysy Qanat Qazaq Islam Almatyda áigili filippindik Menni Pakiaomen judyryqtasýy múmkin. Bul týraly boksshynyń PR menedjeri Berik Sultan facebook jelisindegi paraqshasynda jazdy.
«Pakiaonyń komandasy daiyn bolsa, QAZAQ komandasy daiyn. 22 naýryz Almaty qalasy "Almaty arena" sport kesheninde boks jankúierleri úshin úlken shoý jasaýǵa biz saqadai saimyz. Pakmenniń komandasy kelisse boldy», - delingen jazbada.
Aita keteiik, Qanat Islam sońǵy kezdesýin 9 qyrkúiek kúni elordamyz Astana qalasynda ótkizip, kanadalyq Brendon Kýkty (18-1, 11 KO) toǵyzynshy raýndta tehnikalyq nokaýtpen jeńdi. Osylaisha otandasymyz WBO NABO jáne WBA Inter-Continental belbeýlerin qorǵap qalǵan edi. Al filippindik boksshy sońǵy ret 2 shilde kúni Aýstraliiada jekpe-jek ótkizip, Djef Hornnan jeńilgen edi.
