شۆەيتسارييادا ٶتٸپ جاتقان 2026 جىلعى حوككەيدەن ەلەم چەمپيوناتىنىڭ توپتىق كەزەڭٸ اياقتالىپ, پلەي-وففقا شىققان قۇرامالار تولىق بەلگٸلٸ بولدى. ەندٸ ەلەم بٸرٸنشٸلٸگٸندەگٸ باستى تارتىس شيرەك فينال ماتچتارىمەن جالعاسادى, دەپ حابارلايدى Sportinside.kz.
B توبىنداعى سوڭعى ويىندا كانادا قۇراماسى چەحييامەن كەزدەسٸپ, 3:2 ەسەبٸمەن جەڭٸسكە جەتتٸ. بۇل ماتچتا كانادالىقتار قارسىلاسىن وڭاي ۇتا قويعان جوق. چەحييا ويىن بارىسىندا قارسىلىق كٶرسەتكەنٸمەن, كانادا ٷشٸنشٸ كەزەڭدە باسىمدىق تانىتىپ, جەڭٸستٸ جۇلىپ الدى.
كانادا ساپىنان ماكلين سەلەبريني ەكٸ شايبا سوعىپ, كوماندانىڭ جەڭٸسٸنە ٷلكەن ٷلەس قوستى. ول 35 جەنە 48-مينۋتتاردا گول اۆتورى اتاندى. ال دجون تاۆارەس 50-مينۋتتا شەشۋشٸ شايبانى قاقپاعا باعىتتاپ, كەزدەسۋدٸڭ نٷكتەسٸن قويدى.
چەحييا قۇراماسىندا مارەك الشەر مەن دومينيك كۋباليك كٶزگە تٷستٸ. الايدا ولاردىڭ گولدارى كومانداسىن جەڭٸلٸستەن قۇتقارا المادى. وسى ماتچتان كەيٸن كانادا 20 ۇپاي جيناپ, B توبىن كٶشباسشى رەتٸندە اياقتادى. چەحييا 13 ۇپايمەن ٷشٸنشٸ ورىن الدى.
A توبىندا تۋرنير قوجايىنى شۆەيتسارييا فينلياندييادان 4:2 ەسەبٸمەن باسىم تٷستٸ. شۆەيتسارييالىقتار كەزدەسۋدٸ بەلسەندٸ باستاپ, العاشقى مينۋتتاردان-اق قارسىلاس قاقپاسىنا قاۋٸپ تٶندٸردٸ. الاڭ يەلەرٸ ساپىنان اتتيليو بياسكا, كەن ياگەر جەنە نيكو حيشير نەتيجەلٸ سوققى جاسادى. كەن ياگەر بۇل ويىندا ەكٸ مەرتە مەرگەندٸگٸمەن كٶزگە تٷستٸ.
فينلياندييا قۇراماسىندا الەكساندر باركوۆ دۋبل جاسادى. دەگەنمەن ونىڭ ەكٸ گولى فيندەردٸ جەڭٸسكە جەتكٸزە المادى. شۆەيتسارييا بۇل جەڭٸستەن كەيٸن توپتىق كەزەڭدٸ 21 ۇپايمەن اياقتاپ, بٸرٸنشٸ ورىنعا يە بولدى. فينلياندييا 18 ۇپايمەن ەكٸنشٸ ساتىعا جايعاستى.
وسىلايشا, ەر توپتان تٶرت ٷزدٸك كوماندا شيرەك فينالعا جولداما الدى. 1/4 فينالداعى جۇپتار تٶمەندەگٸدەي:
- 28 مامىر, 19:20 – فينلياندييا – چەحييا;
- 28 مامىر, 19:20 – كانادا – اقش;
- 28 مامىر, 23:20 – شۆەيتسارييا – شۆەتسييا;
- 28 مامىر, 23:20 – نورۆەگييا – لاتۆييا.
ايتا كەتەيٸك, ۇلىبريتانييا مەن يتالييا قۇرامالارى ەليتالىق ديۆيزيونداعى ورنىن ساقتاي المادى. كەلەسٸ جىلى ولاردىڭ ورنىنا قازاقستان مەن ۋكراينا قۇرامالارى ەلەم چەمپيوناتىنىڭ جوعارى ديۆيزيونىندا وينايدى.
