بٸر جىلعا جەتپەيتٸن ۋاقىت ٸشٸندە ٶزبەكستان مەن قازاقستاننىڭ ەكونوميكالىق قارىم-قاتىناسى 35 پايىزعا ٶسكەن. بۇل ٶتە جوعارى كٶرسەتكٸش, - دەيدٸ ەكٸ ەلدٸڭ تىعىز قارىم-قاتىناسى جايلى ايتقان ساياساتتانۋشى كامال بۇرحانوۆ. بۇل تۋرالى baq.kz سايتى جازدى.
«ٶزبەكستان مەن قازاقستان ورتا ازيياداعى ەڭ ٷلكەن ٸرگەلەس ەكٸ مەملەكەت قانا ەمەس, تۋىسقان ۇلت رەتٸندە قاتار دامىپ كەلەدٸ. ەكٸ ەلدٸڭ ەكونوميكاسى بەسەكەلەس ەمەس, بٸرٸن-بٸرٸ تولىقتىرادى دەپ ەسەپتەيمٸن», - دەگەن ساياساتتانۋشى جٸبەك جولىنىڭ بويىنداعى ەكٸ ەلدٸڭ بولاشاقتاعى قارىم-قاتىناسى تٸپتٸ دە نىعايا تٷسەتٸنٸنە سەنٸمدٸ.
كامال نيزامۇلى ەكٸ ەل ينۆەستيتسيياسىنا ٶزبەكستانداعى 1 جارىم ملن قازاق پەن ەلٸمٸزدە ٶمٸر سٷرەتٸن 400 مىڭ ٶزبەك اعايىننىڭ ٷلەسٸ بار ەكەنٸن ايتتى.
«ەلباسىنىڭ بۇرىنعى پرەزيدەنت يسلام كەرٸموۆپەن قارىم-قاتىناسى ٶتە جاقسى بولدى. باسقانى ايتپاعاندا, ەلباسىمىز بٸر جىلعا جەتپەيتٸن ۋاقىت ٸشٸندە قازٸرگٸ پرەزيدەنت شاۆكات ميرزييوەۆپەن 5 رەت كەزدەسكەن. سول كەزدەسۋلەردە قانشاما قۇجاتتارعا قول قويىلدى. وسى از ۋاقىت ٸشٸندە ەكٸ ەل اراسىنداعى ەكونوميكالىق قارىم-قاتىناس 35 پايىزعا ۇلعايىپتى. ەندٸ ەكٸ مەملەكەت ساۋدا-ساتتىق قاتىناسىن 5 ملرد اقش دوللارىنا جەتكٸزۋدٸ كٶزدەپ وتىر. ٶزبەكستاندا 1 جارىم ملن قانداسىمىز تۇرسا, بٸزدٸڭ ەلدە 400 مىڭ ٶزبەك اعايىن ٶمٸر سٷرٸپ وتىر. ولاردىڭ بارىس-كەلٸسٸنٸڭ ٶزٸ قانشاما ينۆەستيتسييانى ەلگە تارتىپ جاتىر. بٸز ٷشٸن ورتا عاسىردا جٸبەك جولى ارقىلى قالىپتاسقان ساۋدا قارىم-قاتىناسىن دامىتۋعا ٷلكەن مٷمكٸندٸكتەر بار», - دەدٸ كامال بۇرحانوۆ.
