فوتو: ادام دەليمحانوۆتىڭ Telegram-ارناسى
شەشەنستان باسشىسى رامزان قادىروۆتىڭ 15 جاستاعى ۇلى ادامعا "شەشەنستان باتىرى" اتاعى بەرٸلدٸ. بۇل جٶنٸندە رەسەي مەملەكەتتٸك دۋماسىنىڭ دەپۋتاتى ادام دەليمحانوۆ حابارلادى.
دەليمحانوۆ كٸشٸ قادىروۆتى "ەرەكشە ساۋاتتى, جان-جاقتى, بٸلٸمدٸ, ماقساتقا ۇمتىلعىش جاس جٸگٸت" دەپ سيپاتتادى.
ول سونىمەن بٸرگە ادام قادىروۆتىڭ بارلىق جەتٸستٸكتەرٸن دە تٸزٸپ شىقتى: "قۇراندى جاتقا بٸلەدٸ", "ارالاس كٷرەس بويىنشا بەدەلدٸ جارىستاردا بٸرقاتار جەڭٸستەرگە قول جەتكٸزگەن" دەدٸ.
رامزان قادىروۆتىڭ ٶزٸ ۇلىنا "شەشەنستان باتىرى" اتاعى بەرٸلۋٸنە تٷسٸنٸكتەمە بەرمەدٸ.
ادام قادىروۆ جۋىردا گروزنىي تٷرمەسٸندە قۇراندى ٶرتەدٸ دەپ ايىپتالعان نيكيتا جۋراۆەلدٸ ۇرىپ-سوققان. بۇل وقيعا جٶنٸندە رەسەيدٸڭ ادام قۇقىقتارى جٶنٸندەگٸ ۋەكٸلٸ تاتيانا موسكالكوۆا ايتقان. ومبۋدسمەن شەشەنستاننىڭ ادام قۇقىقتارى جٶنٸندەگٸ ۋەكٸلٸ مانسۋر سولتاەۆقا قايىرىلىپ, وقيعانىڭ جاي-جاپسارىن سٷراعان. ول "سوققىنى مەديتسينالىق كۋەلاندىرۋ مەن كۋەگەرلەردٸڭ سٶزٸنە نازار اۋدارعا شاقىرعان".
ال سولتاەۆ جۋراۆەلدٸڭ وقيعاسىمەن "ورگاندار اينالىسىپ جاتىر, ەربٸر فاكت تەكسەرٸلەدٸ" دەدٸ. ونىڭ ايتۋىنشا, جۋراۆەل ٶزٸن اياعى مەن قولدارىنان ۇرعانىن ايتقان.
كەيٸن شەشەنستان ۇلتتىق ساياسات, سىرتقى بايلانىس, اقپارات جەنە باسپاسٶز مينيسترٸ احمەد دۋداەۆ 15 جاستاعى ادام قادىروۆتىڭ ستۋدەنت نيكيتا جۋراۆەلدٸ "دٸني سەزٸمگە بەرٸلگەن كٷيٸ" ۇرىپ-سوققانىن مويىنداعان.
شەشەنستان باسشىسى رامزان قادىروۆ ۇلى ادامنىڭ ستۋدەنت نيكيتا جۋراۆلەۆتٸ ۇرعانىن مويىنداپ, ەرەكەتٸن ماقۇلداعان. ول سونىمەن بٸرگە جۋراۆەل قۇراندى ٶرتەگەنٸ ٷشٸن "قاتاڭ جازالانۋى كەرەك" دەپ مەلٸمدەگەن. ودان بٶلەك, قادىروۆ ۇلىنىڭ جۋراۆەلدٸ ۇرىپ جاتقانى جٶنٸندە ۆيدەو جارييالاپ ماقتانعان.
ايتا كەتەيٸك, ۆولگوگرادتا قۇران ٶرتەلگەنٸ تۋرالى ۆيدەو ەلەۋمەتتٸك جەلٸدە بيىل 19 مامىردا شىققان. ەكٸ كٷننەن سوڭ جەرگٸلٸكتٸ تۇرعىن, ۋكراينادا تۋعان, ۆولگوگرادتا تاماق تاسۋشى بولىپ ٸستەيتٸن نيكيتا جۋراۆەلدٸ ۇستاعان. ول اننەكسييالانعان قىرىمنان ۆولگوگرادقا بارعان.
رەسەي تەرگەۋ كوميتەتٸنٸڭ باسشىسى الەكساندر باسترىكين جۋراۆەلدٸڭ ٸسٸن شەشەنستانعا بەرگٸزگەن.
بىلتىر قازاندا رامزان قادىروۆ كەمەلەتكە تولماعان ٷش ۇلى - احمات, ەلي جەنە ادامنىڭ ۋكرايناداعى ۇرىس قيمىلدارىنا قاتىسقانىن مەلٸمدەگەن. ونىسىنا دەلەل رەتٸندە بالالارىنىڭ زەڭبٸرەك پەن گراناتومەتپەن اتىپ تۇرعانىن كٶرسەتەتٸن ۆيدەو جارييالاعان. شەشەنستاننىڭ وپپوزيتسييالىق تەلەارنالارى دەتالدارىنا قاراپ, ۆيدەونىڭ تىلدا تٷسٸرٸلگەنٸنە نازار اۋدارعان.
