بەلگٸلٸ جازۋشى, جۋرناليست كەدٸربەك سەگٸزباەۆ جۇرتشىلىقتى ساقتىققا شاقىردى, دەپ حابارلايدى قازاقپارات.
«بۇل جالعىز قازاققا عانا ەمەس, بٷكٸل ەلەم جۇرتشىلىعىنىڭ باسىنا تٶنگەن ٷلكەن قاسٸرەت قوي. جالپى مەن ازامات بولعالى تەك ەكەلەرٸمٸزدٸڭ, بابالارىمىزدىڭ ٷلكەن دەرتتەرگە ۇشىراعانىن, وبا نەمەسە سٷزەكتٸ ٶتكەرگەندەرٸن جيٸ ەستيتٸنمٸن. كەيٸنگٸ كەزدە مەديتسينا عىلىمى ەبدەن جەتٸلدٸ عوي. مۇنداي سۇمدىقتار ەندٸ بولا قويماس دەپ ويلاۋشى ەدٸك. اياق استىنان وسىنداي نەۋبەت بولدى. دەگەنمەن بۇل نەۋبەت – حالىقتىڭ باسىنا تٷسكەن ٷلكەن سىن دەپ ايتۋعا بولادى. بىلايشا ايتقاندا, «مىلتىقسىز مايدان». قازٸر وڭىمىزدان كەلە مە, سولىمىزدان كەلە مە, اسپاننان شىعا ما, جەردەن كەلە مە – ادام بٸلمەيدٸ. ەيتەۋٸر اۋرۋ جۇقتىرعان اعايىندار, جولداس-جورالار تىم كٶبەيٸپ كەتتٸ. شىعىن دا از ەمەس. مۇنىڭ بەرٸ قالاي بولعاندا دا ٷلكەن قاسٸرەت», - دەدٸ كەدٸربەك سەگٸزباەۆ قازاقپارات تٸلشٸسٸنە تەلەفون ارقىلى بٸلدٸرگەن پٸكٸرٸندە.
جازۋشى مەملەكەت باسشىسى قاسىم-جومارت توقاەۆتىڭ بٷگٸنگٸ كٷندٸ – جالپىۇلتتىق ازا تۇتۋ كٷنٸ دەپ جارييالاۋ تۋرالى شەشٸمٸن قولدايتىنىن جەتكٸزدٸ.
«بۇل ٶتە دۇرىس. قالاي بولعاندا دا ٶلٸ رازى بولماي, تٸرٸ بايىمايدى. بٸزدٸڭ كەشە عانا قاسىمىزدا جٷرگەن ازاماتتار, جولداس-جورالارىمىز و دٷنيەلٸك بولىپ جاتىر. مۇنىڭ بەرٸ مىلتىقسىز مايداننىڭ قۇرباندارى. مۇنى اناۋ جاساپتى, مىناۋ جاساپتى دەپ كٸنەلاۋعا بولماس. بۇل ۆيرۋس مٷمكٸن تابيعي, بەلكٸم جاساندى شىعار. قالاي بولعاندا دا بٸراز ازاماتتارىمىزدىڭ قايتىس بولىپ جاتقانى راس. مارقۇمداردىڭ جاتقان جەرٸ جايلى, توپىراعى تورقا بولسىن», - دەگەن جازۋشى كٶز جۇمعان ازاماتتاردىڭ ارتىندا قالعان بالا-شاعاسىنا, جولداس-جورالارىنا اماندىق تٸلەدٸ.
كەدٸربەك سەگٸزباەۆ ٶز سٶزٸندە جۇرتشىلىقتى ساق بولۋعا شاقىردى.
«بۇل نەۋبەتتەن كٷن ىسىعاندا نەمەسە كٷن سۋىعاندا قۇتىلامىز دەگەن ەڭگٸمە شىقتى. مۇنىڭ بەرٸ بٸر اللانىڭ قولىندا شىعار. قالاي بولعاندا دا بۇدان قۇتىلارىمىز راس. قازٸر بٷكٸل ەلەم بولىپ ٸندەتكە قارسى ەرەكەتتەر جاسالىپ جاتىر. سول سەبەپتٸ ٷمٸتٸمٸز ەش ۋاقىتتا ازايمايدى. بٸز ەل بولىپ, جۇرت بولىپ, بۇدان دا قۇتىلامىز», - دەدٸ ول.
جازۋشى كٶپشٸلٸكتٸڭ ساقتىق شارالارىن ساقتاي بەرمەيتٸنٸن ٶكٸنٸشپەن ايتىپ ٶتتٸ.
«توي-تومالاق, قازا بولعانداردى جانازالاپ شىعارىپ سالۋ, توپتالىپ بارۋ دەگەندەر – اۋرۋدىڭ جۇعۋىنا بٸردەن-بٸر سەبەپ بولىپ وتىر. سوندىقتان حالقىمىزدى سابىرعا شاقىرعان دۇرىس شىعار. ەربٸرٸمٸز قازٸر ٶز باسىمىزدى ويلامايىق. بۇل اۋرۋدىڭ كەسەلٸ قيىن كٶرٸنەدٸ. ەر ادام ٶزٸن ساقتاسا – اعايىندارىن دا ساقتايدى دەگەن سٶز. جاقىنىنا جاناشىر بولۋ دەگەن وسىدان شىعادى دەپ ويلايمىن. سونداي-اق وسىنداي نەۋبەت كەزٸندە, حالىقتىڭ باسىنا قاسٸرەت تٷسٸپ تۇرعان ۋاقىتتا كەيبٸر پايداقور ۇساق ادامداردىڭ دەرٸ-دەرمەكتٸ الىپ قىمباتقا ساتۋى, ساۋداگەرلٸك جاساۋى – بٸزدٸڭ قازاق ٷشٸن جاراسپايتىن ٷلكەن مٸن دەپ سانايمىن. ٷكٸمەتتٸڭ بۇل جاعدايدى قايتا-قايتا ەسكەرتٸپ ايتىپ جاتۋى ورىندى شارۋا. «ايۋعا ناماز ٷيرەتكەن» تاياق دەيدٸ. مۇنداي وسپادارلاردى اياماي جازالاۋ كەرەك. ونسىز دا جەگٸشتٸك, جەمقورلىق ەۋرەگە سالىپ تۇرعان كەزدە نەۋبەتكە نەۋبەت قوسۋعا بولمايدى. ەلٸمٸز امان, جۇرتىمىز تىنىش بولسىن, اعايىن», - دەپ تٷيدٸ كەدٸربەك سەگٸزباەۆ.
