بيىل ماۋسىمنىڭ 11-نەن 12-نە قاراعان تٷن - قادٸر تٷنٸ.
ايلاردىڭ سۇلتانى - رامازان ايى بولسا, تٷندەردٸڭ ەڭ قاسيەتتٸ تٷنٸ - قادٸر تٷنٸ. ٶيتكەنٸ, بۇل تٷن بارشا ادامزاتقا ارنالعان قۇران كەرٸمنٸڭ اياتتارى تٷسە باستاعان تٷن.
قادٸر تٷنٸ, ول - تٷندەردٸڭ ەڭ قايىرلىسى. ٶيتكەنٸ, حاديستە ايلاردىڭ قايىرلىسى رامازان, تٷندەردٸڭ قايىرلىسى قادٸر تٷنٸ, كٷندەردٸڭ قايىرلىسى جۇما كٷنٸ ەكەنٸ ايتىلعان. بۇل تٷندٸ نەگٸزٸنەن رامازان ايىنىڭ سوڭعى ون كٷنٸندە, تاق ساندا ٸزدەۋ كەرەك. كٶپشٸلٸك عالىمداردىڭ ورتاق پٸكٸرٸنشە, قادٸر تٷنٸ رامازان ايىنىڭ جيىرما جەتٸنشٸ تٷنٸ بولىپ ەسەپتەلەدٸ.
قۇراندا بۇل تٷننٸڭ ارتىقشىلىعىن تٷسٸندٸرەتٸن ارنايى سٷرە دە بار. ول سٷرەدە جاراتۋشى يەمٸز بىلاي دەيدٸ:
«انىعىندا بٸز قۇراندى قادٸر تٷنٸ تٷسٸردٸك. قادٸر تٷنٸنٸڭ نە ەكەنٸن بٸلەسٸڭ بە? قادٸر تٷنٸ مىڭ ايدان دا قايىرلى. ول تٷنٸ پەرٸشتەلەر مەن رۋح راببىلارىنىڭ ەمٸرٸمەن جەرگە تٷسەدٸ. ول تاڭ اعارىپ اتقانشا جالعاسادى» («قادٸر» سٷرەسٸ).
مٷميندەر بۇل تٷندٸ دايىندىقسىز ٶتكٸزبەۋٸ تيٸس. ٶيتكەنٸ, ەبۋ حۇرايرا (ر.ا.) ساحابامىز جەتكٸزگەن حاديستە «كٸمدە كٸم قادٸر تٷنٸنٸڭ ارتىقشىلىعىنا سەنٸپ, ساۋابىن اللادان كٷتٸپ, عيبادات, قۇلشىلىقپەن ٶتكٸزسە, ٶتكەن-كەتكەن كٷنەلارى كەشٸرٸلەدٸ» دەلٸنگەن (بۇحاري, قادٸر, 1).
بۇل تٷن مىڭ ايدان قايىرلى بولۋىمەن دە ارتىقشىلىققا يە. مىڭ اي تۋرا سەكسەن ٷش جىل, تٶرت ايعا تەڭ. ال بۇل ٶز كەزەگٸندە بۇرىنعى ٷمبەتتەردٸڭ ٶمٸر بويى جيناعان ساۋابىن بٸر تٷندە الۋ مٷمكٸندٸگٸ دەگەن سٶز.
قادٸر تٷنٸ تٷنٸمەن قۇلشىلىق جاساي المايتىندارعا ەڭ بولماسا تاراۋيح نامازىنان كەيٸن بٸرشاما ۋاقىتىن دۇعاعا ارناۋى كەرەكتٸگٸ ايتىلادى. ٶيتكەنٸ, بۇل تٷنٸ جاسالاتىن دۇعالاردىڭ قابىل بولاتىنىنا دەگەن نىق سەنٸم بار.
ۇقساس جازبالار:
"مىڭ ايدان دا قايىرلى قادٸر تٷنٸ"
قادٸر تٷنٸ جاسالاتىن 7 امال قانداي?
