8 مامىردا تٷستەن كەيٸن اۋعانستان استاناسى كابۋل قالاسىنىڭ باتىسىنداعى ۇل جەنە قىز بالالار بٸرگە وقيتىن مەكتەپ جانىندا جارىلىس بولدى. 30 شاقتى ادام قازا تاۋىپ, 50-دەن استامى جارالانعان. كٶبٸنٸڭ جاسى 11 مەن 15 ارالىعىندا. اۋعانستان ٸشكٸ ٸستەر مينيسترلٸگٸنٸڭ ٶكٸلٸ قازا بولعاندار بۇدان دا كٶپ بولۋى مٷمكٸن ەكەنٸن ايتادى.
اقش مەملەكەتتٸك دەپارتامەنتٸ كابۋلداعى مەكتەپ جانىندا جاسالعان جارىلىستى ايىپتاپ, اۋعان حالقىنا قولداۋ بٸلدٸرەتٸنٸن مەلٸمدەدٸ.
اۋعانستان بٸلٸم مينيسترلٸگٸ ٶكٸلٸنٸڭ Reuters اگەنتتٸگٸنە حابارلاۋىنشا, جارىلىس ٷش اۋىسىمدا وقيتىن مەكتەپتە ەكٸنشٸ اۋىسىم وقۋشىلارى ساباقتا وتىرعان كەزدە بولعان.
ەلەۋمەتتٸك جەلٸلەردە تاراعان ۆيدەو مەن فوتولاردا مەكتەپتٸڭ قاسىندا جارىلىس بولعان جەردە قانعا بويالعان وقۋ قۇرالدارى, جارىلىستان سوڭ ەۋەگە كٶتەرٸلگەن تٷتٸن كٶرٸنەدٸ.
جارىلىسقا جاۋاپكەرشٸلٸكتٸ ەزٸرگە ەشكٸم موينىنا العان جوق.
اۋعانستان پرەزيدەنتٸ اشراف عاني جارىلىسقا بايلانىستى "تاليباندى" ايىپتادى, بٸراق وعان تەلٸپتەردٸڭ قاتىسى بارىنا ەشقانداي دەلەل-ايعاق كەلتٸرگەن جوق. "تاليبان" قوزعالىسىنىڭ ٶكٸلٸ "بۇعان تەلٸپتەردٸڭ قاتىسى بولۋى مٷمكٸن" دەگەن سٶزدٸ تەرٸسكە شىعارىپ, جارىلىستى ۇيىمداستىرعانداردى ايىپتادى.
