فوتو: thevoicemag.ru
قىس مەزگٸلٸندە سەن مەن جايلىلىقتى قاتار ۇستاۋ – ناعىز ٶنەر. ەسٸرەسە سوڭعى جىلدارى سەن ەلەمٸندە ەرەكشە تانىمال بولعان قاباتتاپ كيٸنۋ ستيلٸ (منوگوسلوينوست) كيٸم ارقىلى ٶزٸڭنٸڭ تالعامىڭدى كٶرسەتۋ مەن سۋىقتان قورعانۋدىڭ ەڭ تيٸمدٸ تەسٸلٸنە اينالدى.
بۇل ستيلدٸڭ باستى ەرەكشەلٸگٸ – ەرتٷرلٸ فاكتۋراداعى, تٷستەگٸ جەنە ۇزىندىقتاعى كيٸمدەردٸ ٷيلەستٸرە وتىرىپ, بٸرەگەي ەرٸ ٷيلەسٸمدٸ وبراز جاساۋ. دەگەنمەن قابات كٶپ بولعان سايىن, ٷيلەستٸرۋ قيىنداي تٷسەتٸنٸ راس. سوندىقتان بۇل باعىتتا كيٸنگەندە تەك جىلۋلىق پەن جايلىلىق ەمەس, پٸشٸن, تٷس جەنە پروپورتسييانىڭ تەپە-تەڭدٸگٸن ساقتاۋ اسا ماڭىزدى.
قاباتتاپ كيٸنۋدٸڭ نەگٸزگٸ ەرەجەلەرٸ
قابات كٶپ بولعان سايىن, سيلۋەتتٸڭ تەپە-تەڭدٸگٸن ساقتاۋ قاجەت. ٸشكٸ قاباتتار دەنەگە جاقىن, جۇقا ماتەريالدان بولسا, سىرتقى قاباتتار كەڭ ەرٸ جەڭٸل پٸشٸندە بولعانى دۇرىس. مىسالى, جٸڭٸشكە گولف ٷستٸنە جٷندٸ سۆيتەر كيٸپ, سىرتىنان ۇزىن پالتو جامىلۋ — ەرٸ جىلى, ەرٸ ستيلدٸ كٶرٸنەدٸ.
فوتو: beautyplan.ru
قاباتتاپ كيٸنۋدە كٶپ تٷس ەمەس, تٷستەردٸڭ ٷيلەسٸمدٸلٸگٸ قاجەت. ٷش نەگٸزگٸ رەڭكتەن اسپاۋ — كلاسسيكالىق قاعيدا. بەيتاراپ تٷستەردٸڭ اراسىنا بٸر اكتسەنتتٸ تٷس (مىسالى, شاراپ رەڭكٸ نەمەسە زەيتٷن جاسىلى) قوسساڭىز, وبراز بٸردەن جاندانادى.
سونىمەن قاتار تريكوتاج, جٷن, زامشا, بىلعارى سيياقتى ماتەريالداردى ارالاستىرۋ كيٸمگە تەرەڭدٸك بەرەدٸ. بٸراق بەرٸن بٸر وبرازعا سىيدىرۋ ارتىق. ەكٸ تٷرلٸ تەكستۋرا جەتكٸلٸكتٸ: مىسالى, جٷن سۆيتەر مەن بىلعارى پالتو — مٸنسٸز جۇپ.
فوتو: burdastyle.ru
قاباتتىلىق سەن ٷشٸن عانا ەمەس, جىلۋلىق ٷشٸن دە قاجەت ەكەنٸن ۇمىتپاعان جٶن. كيٸم قوزعالىسقا كەدەرگٸ كەلتٸرمەيتٸن, دەنەگە ىڭعايلى بولۋى تيٸس. ەر قاباتتىڭ ٶز مٸندەتٸ بار: بٸرٸ جىلۋلىق بەرەدٸ, بٸرٸ پٸشٸن تٷزەدٸ, ال ەڭ سىرتقىسى — جەل مەن سۋىقتان قورعايدى.
قاباتتىلىق ستيلٸندەگٸ جيٸ كەزدەسەتٸن قاتەلٸكتەر
قاباتتاپ كيٸنۋ ەركٸندٸكتٸ تالاپ ەتەدٸ. بٸراق دەل وسى ەركٸندٸك كەيدە ستيلدٸك قاتەلٸككە ۇرىندىرادى.
ارتىق كٶلەم
بارلىعىن oversize ٷلگٸدە كييۋ — سەن ەمەس. ٷلكەن پالتو تاڭداساڭىز, استىنداعى كيٸم ىقشام بولعانى دۇرىس. ەيتپەسە وبراز “اۋىر” كٶرٸنەدٸ.
تٷستەردٸڭ قاقتىعىسى
قىزىل, كٶك, سارى مەن كٷلگٸندٸ قاتار قولدانۋ كٶزگە اۋىر ەسەر قالدىرادى. باتىل بولۋ — جاقسى, بٸراق سەن مەن حاوستىڭ اراسى — بٸر-اق قادام.
فوتو: yapokupayu.ru
ماتالاردىڭ سەيكەسسٸزدٸگٸ
سپورتتىق كٷرەشە ٷستٸنە كلاسسيكالىق پالتو كييۋ — ستيل ەمەس, بەيبەرەكەت قاباتتاۋ. ماتالار مەن باعىتتار (casual, classic, street) بٸر-بٸرٸن تولىقتىرۋى كەرەك.
اكسەسسۋاردىڭ ۇمىت قالۋى
قاباتتىلىق تەك كيٸمدە ەمەس, بٶلشەكتە دە. بەلبەۋ, شارف نەمەسە باس كيٸم وبرازدى جيناقتاپ, پروپورتسييانى ايقىندايدى. كٶپ قاباتتىڭ اراسىندا بەل سىزىعىن كٶرسەتۋ — تەپە-تەڭدٸك ساقتاۋدىڭ تاپتىرماس تەسٸلٸ.
فوتو: star-tex.ru
ايتا كەتەتٸن ماڭىزدى جايىت, قاباتتاپ كيٸنۋ — جاي عانا ترەند ەمەس, قازٸرگٸ سەن مەدەنيەتٸنٸڭ بٸر بٶلٸگٸ. ول ادامنىڭ تالعامىن, ستيلٸن جەنە ٶمٸرگە دەگەن كٶزقاراسىن ايقىن كٶرسەتەدٸ. دۇرىس ٷيلەسٸمدٸ تاپقان ادام ٷشٸن بۇل ستيل — ەرٸ جىلى, ەرٸ زاماناۋي, ەرٸ ٶزٸندٸك ەرەكشەلٸگٸ بار وبراز جاساۋدىڭ ەڭ تيٸمدٸ جولى.
