تەل-اۆيۆ قالاسىنان جەتكٸزٸلگەن كٷمەندٸ سەلەمدەمە ەلورداداعى يزرايل ەلشٸلٸگٸنٸڭ قىزمەتكەرلەرٸن ەبٸگەرگە سالدى, دەپ حابارلايدى "ۇلت اقپارات".
«پوشتا ارقىلى كٷمەندٸ بەلگٸلەرٸ بار ەكٸ قاپشىقتىڭ جەتكٸزٸلۋٸ فاكتٸسٸ بويىنشا يزرايل ەلشٸلٸگٸنەن تيٸستٸ حابارلاما كەلٸپ تٷستٸ. اتالعان سەلەمدەمە الماتى ارقىلى تەل-اۆيۆ قالاسىنان جەتكٸزٸلگەنٸ انىقتالدى», - دەلٸنگەن ەلوردا پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸندە.
وقيعا ورنىنا جەدەل جەتكەن پوليتسييا قىزمەتكەرلەرٸ ەلشٸلٸك ورنالاسقان «ازييا» بيزنەس ورتالىعىن قورشاۋعا الدى. ول جەرگە پوليتسييا دەپارتامەنتٸنٸڭ تەرگەۋ توبى, كينولوگتار مەن قالالىق تيٸستٸ قىزمەتتەر تارتىلدى. ماماندار عيمارات پەن سول ماڭايداعى اۋماقتى تەكسەرٸپ شىقتى.
«تەكسەرۋ بارىسىندا پوليتسييا قىزمەتكەرلەرٸ قاپشىقتاردا قاۋٸپتٸ زاتتار جوق ەكەنٸن انىقتادى, وعان تەك جەكە زاتتار سالىنعان», - دەلٸنگەن حابارلامادا.
