Tel-Aviv qalasynan jetkizilgen kúmándi sálemdeme elordadaǵy Izrail elshiliginiń qyzmetkerlerin ábigerge saldy, dep habarlaidy "Ult aqparat".
«Poshta arqyly kúmándi belgileri bar eki qapshyqtyń jetkizilýi faktisi boiynsha Izrail Elshiliginen tiisti habarlama kelip tústi. Atalǵan sálemdeme Almaty arqyly Tel-Aviv qalasynan jetkizilgeni anyqtaldy», - delingen elorda Politsiia departamenti baspasóz qyzmetiniń málimetinde.
Oqiǵa ornyna jedel jetken politsiia qyzmetkerleri Elshilik ornalasqan «Aziia» biznes ortalyǵyn qorshaýǵa aldy. Ol jerge Politsiia departamentiniń tergeý toby, kinologtar men qalalyq tiisti qyzmetter tartyldy. Mamandar ǵimarat pen sol mańaidaǵy aýmaqty tekserip shyqty.
«Tekserý barysynda politsiia qyzmetkerleri qapshyqtarda qaýipti zattar joq ekenin anyqtady, oǵan tek jeke zattar salynǵan», - delingen habarlamada.
