يزرايل جۇما كٷنٸنەن باستاپ كوروناۆيرۋستىڭ ەكٸنشٸ تولقىنىنان كەيٸن ٸندەتتٸڭ تارالۋىن بولدىرماۋ ٷشٸن ٷش اپتالىق قاتاڭ كارانتين ەنگٸزەدٸ.
بۇل تۋرالى ەلدٸڭ پرەمەر-مينيسترٸ بەنيامين نەتانياحۋ مەلٸم ەتكەن, دەپ حابارلايدى Reuters اگەنتتٸگٸ.
ۇلتتىق مەيرامدار قارساڭىنا تۇسپا-تۇس كەلگەن كارانتين ۋاقىتىندا ەل ازاماتتارىنا ٷيلەرٸنەن 500 مەتردەن استام قاشىقتىقتا جٷرۋگە تىيىم سالىنادى, بٸراق ولار شەكتەۋلٸ رەجيمدە جۇمىس ٸستەيتٸن كەڭسەلەرگە بارا الادى.
مەكتەپتەر مەن ساۋدا ورتالىقتارى جابىلادى, تەك سۋپەرماركەتتەر مەن دەرٸحانالار جۇمىس ٸستەيدٸ. ٷكٸمەتتٸك ۇيىمدار قىسقارتىلعان قۇرامدا جۇمىس ٸستەيتٸن بولادى, ال كليەنتتەرمەن جۇمىس ٸستەمەيتٸن مەملەكەتتٸك ەمەس اگەنتتٸكتەر مەن كەسٸپورىندار اشىق بولادى.
قارجى مينيسترلٸگٸ وقشاۋلاۋ كوروناۆيرۋستىڭ سالدارىنان رەتسەسسيياعا ۇشىراعان ەكونوميكاعا شامامەن 6,5 ميلليارد شەكەل (1,88 ميلليارد دوللار) شىعىن ەكەلەدٸ دەپ مەلٸمدەدٸ.
نەتانياحۋ قارجى مينيسترٸنە كارانتيننەن زارداپ شەككەن كەسٸپورىندارعا كٶمەكتەسۋ ٷشٸن جاڭا ەكونوميكالىق پاكەت ەزٸرلەۋدٸ تاپسىرعانىن ايتتى.
اۋرۋ جۇقتىرعاندار سانى كٷرت ارتىپ, ٶتكەن اپتادا 4000-نان استى, سەنبٸ كٷنٸ 2 715 ادام ٸندەتكە شالدىققان. پاندەمييا باستالعاننان بەرٸ يزرايلدە 1 108 ادام قايتىس بولدى.
نەتانياحۋدىڭ ايتۋىنشا, بۇل الاڭداتارلىق جاعداي بولدى جەنە ٷكٸمەتتٸ ەرەكەت ەتۋگە يتەرمەلەدٸ.
دەنساۋلىق ساقتاۋ مينيسترلٸگٸنٸڭ باسشىسى حەزي لەۆي جەكسەنبٸ كٷنٸ راديو سۇحباتىندا قاتاڭ شەكتەۋلەر ەنگٸزۋ كەرەك دەپ مەلٸمدەدٸ. بۇل شارالار ەلدەگٸ ۆيرۋستىڭ جاڭا تولقىنىن توقتاتا الادى.
