شىمكەنتتە جاڭا تۋعان نەرەستەنٸڭ ٶلٸمٸنە ەيەلدٸڭ تۋىستارى دەرٸگەرلەردٸ كٸنەلاپ وتىر. تۋىستارىنىڭ ايتۋىنشا, ەيەل بٸرنەشە رەت دەرٸگەرلەردەن شارا قولدانۋدى سۇراعان, دەپ حابارلايدى Ult.kz الماتى تەلەارناسىنا سٸلتەمە جاساپ.
قالا تۇرعىنى بٸر اۋرۋحانادا بالاسىنان ايىرىلدى. تۋىستارى مەديتسينا قىزمەتكەرلەرٸن سالعىرتتىق تانىتتى دەپ ايىپتاپ, وقيعانى جان-جاقتى تەكسەرۋدٸ سۇراپ وتىر. نەرەستە جاتىر ٸشٸندە شەتٸنەپ كەتكەن. بوسانۋعا ساناۋلى كٷندەر قالعاندا وسىنداي قايعىلى جاعداي ورىن العانىن ەيەل كٶز جاسىمەن جەتكٸزدٸ. ونىڭ ايتۋىنشا, ۋاقىتىندا كەسٸر تٸلٸگٸ جاسالعاندا, بۇل تراگەدييانىڭ الدىن الۋعا بولار ەدٸ.
شىمكەنت تۇرعىنى نازەركە پٸرٸمبەتوۆا قالالىق №2 اۋرۋحانادا بوسانۋى تيٸس بولعان. ول مەديتسينالىق مەكەمەگە الدىن الا جاتقىزىلعان. تۋىستارىنىڭ ايتۋىنشا, نازەركە ول جەردە بٸر ايدان استام ۋاقىت جاتقان. بوسانۋ ۋاقىتى جاقىنداعان سايىن ونىڭ جاعدايى ناشارلاي بەرگەن. 30 جاستاعى ەيەل بٸرنەشە رەت دەرٸگەرلەردەن شارا قولدانۋدى ٶتٸنگەن. الايدا, تۋىستارىنىڭ سٶزٸنشە, وعان تەك شىداۋعا كەڭەس بەرگەن. نەتيجەسٸندە, كٶپتەن كٷتكەن سەبيمەن قاۋىشۋدىڭ ورنىنا, ەيەل بالاسىن مٷلدە كٶرە دە الماعان — نەرەستە جاتىردا شەتٸنەپ كەتكەن.
«ونى 5-6 رەت تەكسەردٸ, كت-سى دۇرىس شىقپاي جٷردٸ. تٷندە مازاسىزداناتىن. بٸز مۇنىڭ بەرٸن دەرٸگەرلەرگە ايتتىق, بٸراق ولار مٷلدە قاراعان جوق. سونىڭ سالدارىنان مەن بالامنان ايىرىلدىم», – دەيدٸ زارداپ شەككەن ەيەلدٸڭ كٷيەۋٸ اباي بەردٸبەك.
تۋىستارىنىڭ ايتۋىنشا, نەرەستە شەتٸنەگەننەن كەيٸن دەرٸگەرلەر ناقتى تٷسٸنٸكتەمە بەرە الماعان. كەرٸسٸنشە, جاۋاپكەرشٸلٸكتٸ باسقا جاققا اۋدارىپ, «بالا تولىق جەتٸلمەگەن» دەگەن ۋەج ايتقان. سونىمەن قاتار, ولار ەيەلدٸ جۋرناليستەرگە سۇحبات بەرمەۋگە ٷگٸتتەپ, تٸپتٸ پالاتادا ۇستاپ قالعان, دەيدٸ جاقىندارى.
«پالاتاعا كٸرسەم, وندا باس دەرٸگەردٸڭ مٸندەتٸن اتقارۋشى, اكۋشەرلەر, مەدبيكەلەر جەنە تەرگەۋشٸ جينالىپ وتىر. ولار قارىنداسىما سەبيدٸ مەيٸتحاناعا بەرمەۋدٸ ايتىپ, ونداعى ماماندار بالانىڭ دەنەسٸن تٸلٸپ تاستايدى دەپ قورقىتقان. مەنٸڭشە, ولار مٷردەنٸ اشۋعا جول بەرمەي, ٸزدٸ جاسىرۋعا تىرىسقان. ٸستٸ جابىق كٷيدە قالدىرماق بولدى», – دەيدٸ زارداپ شەگۋشٸنٸڭ اعاسى اسانەلٸ پٸرٸمبەتوۆ.
قازٸر فاكتٸ بويىنشا قىلمىستىق ٸس قوزعالدى. پوليتسييا دەرٸگەرلەردٸڭ ٸس-ەرەكەتٸن تەكسەرٸپ جاتىر. بالانىڭ دەنەسٸ, پلاتسەنتا جەنە كٸندٸك ٸشٸنارا ساراپتاماعا جٸبەرٸلدٸ. ول نەرەستەنٸڭ ناقتى نەدەن شەتٸنەگەنٸن انىقتاۋى تيٸس. ال قالالىق دەنساۋلىق ساقتاۋ باسقارماسى كەسٸر تٸلٸگٸ جوسپارلانعانىن مەلٸمدەدٸ.
«كەسٸر تٸلٸگٸن وسى اپتادا جاساۋ جوسپارلاندى, سەبەبٸ الدىمەن ۇرىقتىڭ ٶكپەسٸن دايىنداۋ قاجەت بولدى. بٸراق پلاتسەنتانىڭ ٶزٸندەگٸ جەنە ونىڭ تامىرلارىنداعى مەسەلەلەرگە بايلانىستى پلاتسەنتارلىق قىزمەتتٸڭ دەكومپەنساتسيياسى ورىن العان. سونىڭ سالدارىنان 3-نەن 4 جەلتوقسانعا قاراعان تٷنٸ انتەناتالدىق ٶلٸم تٸركەلدٸ», – دەدٸ قوعامدىق دەنساۋلىق ساقتاۋ باسقارماسىنىڭ بٶلٸم جەتەكشٸسٸ يننا گلازەبنايا.
قايعىلى وقيعادان كەيٸن پەرزەنتحانادا باقىلاۋ كٷشەيتٸلدٸ. مەديتسينالىق جەنە فارماتسەۆتيكالىق باقىلاۋ كوميتەتٸ وقيعانىڭ بارلىق جاي-جاپسارىن انىقتاۋ ٷشٸن تەكسەرٸس جٷرگٸزۋدە.
