كٶلٸك پوليتسەيلەرٸ ەلٸمٸزدٸڭ مەملەكەتتٸك شەكاراسىن جٷك پويىزىمەن زاڭسىز كەسٸپ ٶتكەن 51 جاستاعى رەسەيلٸك ازاماتتى ۇستادى, دەپ حابارلايدى "ۇلت اقپارات".
«بيىلعى 15 مامىردا پەتروپاۆل ستانتسيياسىندا جەدەل-الدىن الۋ ٸس-شاراسىن ٶتكٸزۋ بارىسىندا كٶلٸك پوليتسەيلەرٸ رەسەي فەدەراتسيياسىنىڭ 51 جاستاعى ازاماتىن انىقتاپ, ۇستادى», - دەدٸ قر ٸٸم كٶلٸكتەگٸ پوليتسييا دەپارتامەنتٸنٸڭ باستىعى وڭال بەكەەۆ.
ونىڭ ايتۋىنشا, ەر ادام رەسەي فەدەراتسيياسىنىڭ اۋماعىنان شەكارا بەكەتتەرٸن اينالىپ ٶتٸپ, بٸزدٸڭ ەلٸمٸزدٸڭ اۋماعىنا جٷك پويىزى ارقىلى كٸرگەن. وسىلايشا, قازاقستان رەسپۋبليكاسىنىڭ مەملەكەتتٸك شەكاراسىن زاڭسىز كەسٸپ ٶتكەن.
اتالعان فاكتٸ قر قك-نٸڭ 392-بابى 1-بٶلٸگٸ بويىنشا (قازاقستان رەسپۋبليكاسىنىڭ مەملەكەتتiك شەكاراسىن قاساقانا زاڭسىز كەسٸپ ٶتۋ) سوتقا دەيٸنگٸ تەرگەپ تەكسەرۋدٸڭ بٸرىڭعاي تٸزٸلٸمٸنە ەنگٸزٸلدٸ.
«تەكسەرٸس بارىسىندا ۇستالعان ازاماتتىڭ وسى جىلدىڭ سەۋٸر ايىنان باستاپ رف قك 166-بابىنىڭ 1-بٶلٸگٸندە كٶزدەلگەن قىلمىس بەلگٸلەرٸ بويىنشا مەملەكەتارالىق ٸزدەستٸرۋدە ەكەنٸ انىقتالدى. ٸزدەستٸرۋ باستاماشىسى - رف ٸشكٸ ٸستەر مينيسترلٸگٸنٸڭ چەليابٸ وبلىسى بويىنشا مەملەكەتتٸك مەكەمەسٸ.قازٸرگٸ ۋاقىتتا تەرگەۋ جۇمىستارى جٷرگٸزٸلۋدە», - دەدٸ و.بەكەەۆ.
