Kólik politseileri elimizdiń memlekettik shekarasyn júk poiyzymen zańsyz kesip ótken 51 jastaǵy reseilik azamatty ustady, dep habarlaidy "Ult aqparat".
«Biylǵy 15 mamyrda Petropavl stantsiiasynda jedel-aldyn alý is-sharasyn ótkizý barysynda kólik politseileri Resei Federatsiiasynyń 51 jastaǵy azamatyn anyqtap, ustady», - dedi QR IIM Kóliktegi politsiia departamentiniń bastyǵy Ońal Bekeev.
Onyń aitýynsha, er adam Resei Federatsiiasynyń aýmaǵynan shekara beketterin ainalyp ótip, bizdiń elimizdiń aýmaǵyna júk poiyzy arqyly kirgen. Osylaisha, Qazaqstan Respýblikasynyń Memlekettik shekarasyn zańsyz kesip ótken.
Atalǵan fakti QR QK-niń 392-baby 1-bóligi boiynsha (Qazaqstan Respýblikasynyń Memlekettik shekarasyn qasaqana zańsyz kesip ótý) Sotqa deiingi tergep tekserýdiń biryńǵai tizilimine engizildi.
«Tekseris barysynda ustalǵan azamattyń osy jyldyń sáýir aiynan bastap RF QK 166-babynyń 1-bóliginde kózdelgen qylmys belgileri boiynsha memleketaralyq izdestirýde ekeni anyqtaldy. Izdestirý bastamashysy - RF Ishki ister ministrliginiń Cheliabi oblysy boiynsha memlekettik mekemesi.Qazirgi ýaqytta tergeý jumystary júrgizilýde», - dedi O.Bekeev.
