قوستاناي وبلىسىندا جۇمىستان شىعىپ, ٷيٸنە ورالماعان 19 جاستاعى قىزدىڭ مەيٸتٸ تابىلدى, - دەپ حابارلايدى "ۇلت اقپارات".
ەۆگەنييا كازاچۋك دەنيسوۆسكيي اۋدانىنىڭ پەرەلەسكي اۋىلىندا جۇمىستان شىققان سوڭ جوعالىپ كەتكەن. سوڭعى رەت قىزدى 25 تامىزدا كٶرگەن. مەيٸت ول جۇمىس ٸستەيتٸن كافەدەن 150 مەتردەي قاشىقتاعى ورمان پلانتاتسيياسىندا تابىلعان.
"جەدەل ٸزدەستٸرۋ شارالارى بارىسىندا دەنيسوۆسكيي اۋدانى, پەرەلەسكي اۋىلىنىڭ 19 جاستاعى تۇرعىنىنىڭ مەيٸتٸ تابىلدى. ٸزدەۋگە پوليتسەيلەر, ەرٸكتٸلەر مەن تۋىستارى جۇمىلدىرىلدى. قازٸرگٸ ۋاقىتتا سوت-مەديتسينالىق ساراپتاما تاعايىندالدى, ونىڭ قورىتىندىسى بويىنشا زاڭدى پروتسەسسۋالدىق شەشٸم قابىلدانادى", - دەدٸ قوستاناي وبلىسى ٸٸد باسپاسٶز قىزمەتٸ ٶكٸلٸ.
