يتالييا بيلٸگٸ مارينا دي كاررارا پورتىندا تۇرعان "شاحەرەزادا" سۋپەرياحتاسىن تۇتقىندادى. بۇل كەمە رەسەي باسشىسى ۆلاديمير پۋتينگە تيەسٸلٸ دەپ ايتىلادى.
يتالييا بيلٸگٸنٸڭ مەلٸمەتٸنشە, قارجى پوليتسيياسىنىڭ تەرگەۋ نەتيجەسٸنەن كەيٸن كەمەنٸڭ "رەسەيدٸڭ جوعارى لاۋازىمدى تۇلعالارى مەن ەۋرووداق سانكتسيياسىنا ٸلٸنگەن ادامدارعا" قاتىسى بار ەكەنٸ انىقتالعان. حابارلامادا كەمەنٸڭ ناقتى كٸمگە تيەسٸلٸ ەكەنٸ ايتىلمايدى.
تەۋەلسٸز باعالاۋشىلاردىڭ پٸكٸرٸنشە, شامامەن 700 ملن دوللار تۇراتىن 140-مەترلٸك كەمەدە بٸرنەشە اي بويى جٶندەۋ جۇمىستارى جٷرگٸزٸلگەن. ول كەلەسٸ جىلدىڭ باسىندا اياقتالۋى تيٸس بولعان. New The York Times باسىلىمىنىڭ جازۋىنشا, وسى اپتادا ياحتا كەمە جٶندەيتٸن ورىننان كەتٸپ, تەڭٸزگە شىعۋعا دايىندالعان. الايدا يتالييا بيلٸگٸ ونى كەمەگە قاتىستى تٷپكٸلٸكتٸ شەشٸم شىققانعا دەيٸن پورتتان جٸبەرمەگەن.
وپپوزيتسييالىق ساياساتكەر الەكسەي ناۆالنىيدىڭ جاقتاستارى زەرتتەۋلەرٸندە كەمە ۆلاديمير پۋتينگە تيەسٸلٸ دەگەن قورىتىندى جاساعان. يتالييانىڭ La Stampa باسىلىمى كەمە "روسنەفت" كومپانيياسىنىڭ بۇرىنعى باسشىسى ەدۋارد حۋيداناتوۆقا تيەسٸلٸ دەپ جازعان. بريتاندىق Guardian باسىلىمى دەرەككٶزٸنٸڭ ايتۋىنشا, سۋپەرياحتانىڭ شىنايى يەسٸن انىقتاۋ مٷمكٸن ەمەس, سەبەبٸ ول كٶپتەگەن كومپانييامەن بايلانىستى.
كەيٸنگٸ اپتالاردا ەۋرووداق اۋماعىنداعى پورتتاردا رەسەيدٸڭ ۋكرايناعا باسىپ كٸرۋٸنە قارسى جارييالانعان سانكتسييا اياسىندا بٸرنەشە سۋپەرياحتا تۇتقىندالعان. كەمەلەرٸ تۇتقىندالعان رەسەيلٸك ميللياردەرلەر اراسىندا الەكسەي مورداشوۆ, گەنناديي تيمچەنكو, ەلٸشەر وسمانوۆ, ۆيكتور ۆەكسەلبەرگ بار.
سەۋٸر ايىنىڭ سوڭىندا اقش-تا كرەملمەن بايلانىستى وليگارحتاردىڭ اكتيۆتەرٸن كەمپەسكەلەپ, ودان تٷسكەن قارجىنى ۋكرايناعا گۋمانيتارلىق كٶمەككە باعىتتاۋدى قاراستىراتىن زاڭ جوباسى ەنگٸزٸلگەن.
