© L'incidente / facebook.com/assem.zharbossynova
يتالييادا كٶلٸك قاعىپ كەتكەن قىزدىڭ مٷردەسٸ مەملەكەت ەسەبٸنەن ەلگە جەتكٸزٸلەدٸ. بۇل تۋرالى ەلوردادا ٶتكەن باسپاسٶز مەسليحاتىندا سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مەلٸم ەتتٸ, دەپ حابارلايدى قازاقپارات.
«شەتەلدە قيىن جاعدايعا تاپ بولعان ەلٸمٸزدٸڭ ازاماتتارىنا كٶمەك كٶرسەتۋ ماقساتىندا سىرتقى ٸستەر مينيسترلٸگٸندە تيٸستٸ قاراجات قاراستىرىلعان. وسى ورايدا قازاقستان ازاماتتارىنا قاتىستى شىعىنداردى مەملەكەت ٶتەيدٸ. جاقىندا يتالييادا بٸزدٸڭ ەلدٸڭ ازاماتىن كٶلٸك قاعىپ كەتٸپ, مەرت بولدى. بۇل قايعىلى وقيعا بويىنشا تۋىستارى بٸزگە ٶتٸنٸش جاساعان. قازٸر مارقۇمنىڭ مٷردەسٸن قازاقستانعا جەتكٸزۋگە قاراجات بٶلٸنٸپ جاتىر. بۇل تۇرعىدا تيٸستٸ قۇجاتتار رەسٸمدەلەدٸ», - دەدٸ سماديياروۆ.
بۇدان بۇرىن حابارلانعانداي, جاقىندا يتالييانىڭ سالەرنو قالاسىندا 27 جاستاعى ەسەم جاربوسىندى كٶلٸك قاعىپ, مەرت قىلدى.
اتالعان ەلدٸڭ جەرگٸلٸكتٸ باق تاراتقان مەلٸمەتٸنە سەيكەس, 17 قاڭتاردا Peugeo كٶلٸگٸن باسقارعان 20 جاستاعى جٷرگٸزۋشٸ دجۋزەپپە ۆەردي وپەرا تەاترى ماڭىنداعى جاياۋ جٷرگٸنشٸلەر جولىندا ستۋدەنت قىزدى قاعىپ كەتكەن.
