© L'incidente / facebook.com/assem.zharbossynova
Italiiada kólik qaǵyp ketken qyzdyń múrdesi memleket esebinen elge jetkiziledi. Bul týraly elordada ótken baspasóz máslihatynda Syrtqy ister ministrliginiń resmi ókili Aibek Smadiiarov málim etti, dep habarlaidy QazAqparat.
«Shetelde qiyn jaǵdaiǵa tap bolǵan elimizdiń azamattaryna kómek kórsetý maqsatynda Syrtqy ister ministrliginde tiisti qarajat qarastyrylǵan. Osy oraida Qazaqstan azamattaryna qatysty shyǵyndardy memleket óteidi. Jaqynda Italiiada bizdiń eldiń azamatyn kólik qaǵyp ketip, mert boldy. Bul qaiǵyly oqiǵa boiynsha týystary bizge ótinish jasaǵan. Qazir marqumnyń múrdesin Qazaqstanǵa jetkizýge qarajat bólinip jatyr. Bul turǵyda tiisti qujattar rásimdeledi», - dedi Smadiiarov.
Budan buryn habarlanǵandai, jaqynda Italiianyń Salerno qalasynda 27 jastaǵy Ásem Jarbosyndy kólik qaǵyp, mert qyldy.
Atalǵan eldiń jergilikti BAQ taratqan málimetine sáikes, 17 qańtarda Peugeo kóligin basqarǵan 20 jastaǵy júrgizýshi Djýzeppe Verdi opera teatry mańyndaǵy jaiaý júrginshiler jolynda stýdent qyzdy qaǵyp ketken.
