پارلامەنت مەجٸلٸسٸنٸڭ جالپى وتىرىسىندا «جانۋارلارعا جاۋاپكەرشٸلٸكپەن قاراۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسىنىڭ ماقساتى – جانۋارلارعا قاراۋدى قۇقىقتىق رەتتەۋ جەنە ولارعا ٸزگٸلٸكپەن قاراۋ. قۇجات ازاماتتاردىڭ ادامگەرشٸلٸك تەربيەسٸنٸڭ يدەولوگيياسىن, اتاپ ايتقاندا, جانۋارلاردى ۇستاۋدىڭ مورالدىق جەنە ادامگەرشٸلٸگٸنٸڭ نەگٸزگٸ پرينتسيپتەرٸن قالىپتاستىرادى.
«اتالعان پرينتسيپتەردٸ ٸسكە اسىرۋ ٷشٸن تالاپتار مەن قاعيدالاردى بەلگٸلەۋ ارقىلى وسى قۇقىقتىق قاتىناستاردىڭ مەملەكەتتٸك رەتتەۋ مەحانيزمدەرٸ دە بەكٸتٸلدٸ. سونىڭ ٸشٸندە جانۋارلاردى اسىراۋعا جەنە تاسىمالداۋعا, سونداي-اق ٶسٸرۋگە جەنە ۆەتەرينارييالىق قىزمەتتەر كٶرسەتۋگە قويىلاتىن جالپى تالاپتار, جانۋارلارعا قاتىگەزدٸكپەن قاراۋدى ناسيحاتتاۋعا تىيىم سالۋ قاراستىرىلعان», - دەدٸ ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ,
بۇدان باسقا, زاڭ جوباسىندا جەكەلەگەن ساناتتاعى جانۋارلارعا قاراۋ جەنە اسىراۋ كەزٸندەگٸ تالاپتار انىقتالعان. سونداي-اق, وسى سالاداعى قوعامدىق باقىلاۋ ينستيتۋتىن الاڭداۋشىلىق تانىتاتىن ازاماتتارمەن جەنە قوعامدىق ۇيىمدارمەن قالىپتاستىرۋ كٶزدەلگەن.
«چيپتەۋ» دەگەنگە قاتىستى, زاڭ جوباسى ٷي جانۋارلارىن ەسەپكە الۋ ٶنٸمٸن (قۇرالىن) يەلەرٸ ەسەبٸنەن اقىلى نەگٸزدە پايدالانا وتىرىپ, ٷي جانۋارلارىن مٸندەتتٸ ەسەپكە الۋدى ەنگٸزەدٸ. بۇدان باسقا, وسى ايتىلعانداردى جوسپارلى ٸسكە اسىرۋ جەنە ٷي جانۋارلارىن ەسەپكە الۋدى جٷزەگە اسىراتىن ۇيىمدارعا, سونداي-اق ولاردىڭ يەلەرٸنە بٸرجولعى جاپپاي جٷكتەمەنٸ بولدىرماۋ ماقساتىندا زاڭ جوباسىندا ٷي جانۋارلارىن مٸندەتتٸ ەسەپكە الۋ بويىنشا كەيٸنگە قالدىرۋ نورماسى كٶزدەلگەن (2023 جىلعى 1 قىركٷيەكتەن باستاپ)», - دەدٸ مينيستر.
ونىڭ ايتۋىنشا, قۇجات جانۋارلارعا قاتىستى جاعىمسىز كٶرٸنٸستەرگە توسقاۋىل قويادى: يتتەردٸ تٶبەلەستٸرۋ, انەستەزيياسىز ۆەتەرينارييالىق وپەراتسييا جاساۋ, جانۋارلاردى جازىقسىز ٶلتٸرۋ, جانۋارلاردى ەلسٸرەتۋ جەنە ولارعا ۋاقتىلى كٶمەك كٶرسەتپەۋ, قاتىگەزدٸكپەن اۋلاۋ ەرەكەتتەرٸ جاتادى.
«جانۋارلاردى جاۋاپكەرشٸلٸكپەن قاراۋ تۋرالى» زاڭ جوباسىن قابىلداۋ بارلىق تٸرشٸلٸك يەلەرٸنە ادامگەرشٸلٸك پەن ٸزگٸلٸكتٸ تەربيەلەۋگە مٷمكٸندٸك بەرەدٸ دەپ سانايمىز. بٷگٸن بٸز جانۋارلاردى قورعاۋ مٸندەتٸن شەشٸپ قانا قويماي, بولاشاق ۇرپاق ٷشٸن ۆەكتور ورناتامىز», - دەيدٸ ۆەدومستۆو باسشىسى.
سونىمەن قاتار, جالپى وتىرىستا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جانۋارلارعا جاۋاپكەرشٸلٸكپەن قاراۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى», «قر ەكٸمشٸلٸك قۇقىق بۇزۋشىلىق تۋرالى كودەكسٸنە جانۋارلارعا جاۋاپكەرشٸلٸكپەن قاراۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» ٸلەسپە زاڭ جوبالارى دا بٸرٸنشٸ وقىلىمدا ماقۇلداندى.
