Parlament Májilisiniń jalpy otyrysynda «Janýarlarǵa jaýapkershilikpen qaraý týraly» zań jobasy birinshi oqylymda maquldandy, dep habarlaidy QazAqparat.
Zań jobasynyń maqsaty – janýarlarǵa qaraýdy quqyqtyq retteý jáne olarǵa izgilikpen qaraý. Qujat azamattardyń adamgershilik tárbiesiniń ideologiiasyn, atap aitqanda, janýarlardy ustaýdyń moraldyq jáne adamgershiliginiń negizgi printsipterin qalyptastyrady.
«Atalǵan printsipterdi iske asyrý úshin talaptar men qaǵidalardy belgileý arqyly osy quqyqtyq qatynastardyń memlekettik retteý mehanizmderi de bekitildi. Sonyń ishinde janýarlardy asyraýǵa jáne tasymaldaýǵa, sondai-aq ósirýge jáne veterinariialyq qyzmetter kórsetýge qoiylatyn jalpy talaptar, janýarlarǵa qatygezdikpen qaraýdy nasihattaýǵa tyiym salý qarastyrylǵan», - dedi Ekologiia, geologiia jáne tabiǵi resýrstar ministri Serikqali Brekeshev,
Budan basqa, zań jobasynda jekelegen sanattaǵy janýarlarǵa qaraý jáne asyraý kezindegi talaptar anyqtalǵan. Sondai-aq, osy saladaǵy qoǵamdyq baqylaý institýtyn alańdaýshylyq tanytatyn azamattarmen jáne qoǵamdyq uiymdarmen qalyptastyrý kózdelgen.
«Chipteý» degenge qatysty, zań jobasy úi janýarlaryn esepke alý ónimin (quralyn) ieleri esebinen aqyly negizde paidalana otyryp, úi janýarlaryn mindetti esepke alýdy engizedi. Budan basqa, osy aitylǵandardy josparly iske asyrý jáne úi janýarlaryn esepke alýdy júzege asyratyn uiymdarǵa, sondai-aq olardyń ielerine birjolǵy jappai júktemeni boldyrmaý maqsatynda Zań jobasynda úi janýarlaryn mindetti esepke alý boiynsha keiinge qaldyrý normasy kózdelgen (2023 jylǵy 1 qyrkúiekten bastap)», - dedi ministr.
Onyń aitýynsha, qujat janýarlarǵa qatysty jaǵymsyz kórinisterge tosqaýyl qoiady: itterdi tóbelestirý, anesteziiasyz veterinariialyq operatsiia jasaý, janýarlardy jazyqsyz óltirý, janýarlardy álsiretý jáne olarǵa ýaqtyly kómek kórsetpeý, qatygezdikpen aýlaý áreketteri jatady.
«Janýarlardy jaýapkershilikpen qaraý týraly» zań jobasyn qabyldaý barlyq tirshilik ielerine adamgershilik pen izgilikti tárbieleýge múmkindik beredi dep sanaimyz. Búgin biz janýarlardy qorǵaý mindetin sheship qana qoimai, bolashaq urpaq úshin vektor ornatamyz», - deidi vedomstvo basshysy.
Sonymen qatar, jalpy otyrysta «Qazaqstan Respýblikasynyń keibir zańnamalyq aktilerine janýarlarǵa jaýapkershilikpen qaraý máseleleri boiynsha ózgerister men tolyqtyrýlar engizý týraly», «QR Ákimshilik quqyq buzýshylyq týraly kodeksine janýarlarǵa jaýapkershilikpen qaraý máseleleri boiynsha ózgerister men tolyqtyrýlar engizý týraly» ilespe zań jobalary da birinshi oqylymda maquldandy.
