فوتو: Olympik.kz
قازاقستان قۇراماسى ٷندٸستاننىڭ استاناسى نيۋ-دەليدە ٶتٸپ جاتقان نىسانا كٶزدەۋدەن ازييا چەمپيوناتىنىڭ كەزەكتٸ كٷنٸندە قورجىنىن 3 التىن جەنە 2 كٷمٸس مەدالمەن تولىقتىردى, دەپ حابارلايدى Ult.kz.
50 مەتر قاشىقتىقتان كٸشٸ كاليبرلٸ ۆينتوۆكامەن جاتىپ نىسانا كٶزدەۋ سايىسىندا پاريج وليمپياداسىنىڭ قولا جٷلدەگەرٸ يسلام سەتپاەۆ جەڭٸسكە جەتتٸ. سول سىننىڭ ٶزٸندە نيكيتا شاحتورين كٷمٸس مەدالدٸ جەڭٸپ الدى.
كوماندالىق بەسەكەدە يسلام سەتپاەۆ, نيكيتا شاحتورين جەنە كونستانتين مالينوۆسكيي ٷزدٸك نەتيجە كٶرسەتٸپ, التىن جٷلدەگە قول جەتكٸزدٸ.
25 مەتردەن جىلدام اتىلاتىن تاپانشا جارىسىندا نيكيتا چيريۋكين, ارتەميي كاباكوۆ جەنە كيريلل تسۋكانوۆ كومانداسى قارسىلاستارىنان وزىپ شىعىپ, التىن مەدالدٸ يەلەندٸ. ال جەكەلەي سىندا نيكيتا چيريۋكين كٷمٸس جٷلدەگەر اتاندى.
ايتا كەتەيٸك, چەمپيونات ەرەسەكتەر, جاستار جەنە جاسٶسپٸرٸمدەر ساناتتارىندا ٶتۋدە. بيىلعى دوداعا قۇرلىقتىڭ 20 ەلٸنەن 320-دان استام سپورتشى قاتىسىپ جاتىر. قازاقستان قۇراماسى ٷش جاس ساناتىندا 47 مەرگەنمەن جارىسقا تٷستٸ.
