بٷگٸندە COVID-19 كوروناۆيرۋس جۇقپالى دەرتٸ ەلەم جۇرتشىلىعىن الاڭداتىپ وتىر. دٷنيەجٷزٸلٸك دەنساۋلىق ساقتاۋ ۇيىمىنىڭ ەلەمدٸ شارپىعان جۇقپالى دەرتتٸ پاندەمييا دەپ جارييالاۋىنا بايلانىستى قازاقستان رەسپۋبليكاسىنىڭ بارلىق اۋماعىندا 2020 جىلدىڭ 16 ناۋرىزىنان باستاپ 30 تەۋلٸككە تٶتەنشە جاعداي ەنگٸزٸلدٸ.
قازاقستان مۇسىلماندارى دٸني باسقارماسى تٶتەنشە جاعدايدا مەشٸتتە جۇما جەنە بەس ۋاقىت ناماز وقۋعا قاتىستى پەتۋا شىعاردى, دەپ حابارلايدى "ۇلت اقپارات".
«يسلام دٸنٸ كەيبٸر عيباداتتاردى قاۋٸپتٸ جاعدايلاردا ۋاقىتشا توقتاتۋعا رۇقسات بەرەدٸ. مىسالى, ادامنىڭ ٶمٸرٸنە, دەنساۋلىعىنا, مال-مٷلكٸنە, بالا-شاعاسى مەن وتباسى مٷشەلەرٸنە ەلدەبٸر زالال تيەتٸن بولسا, شاريعاتىمىز ونىڭ مەشٸتكە كەلٸپ, بەس ۋاقىت نامازدى جاماعاتپەن وقۋىن, تٸپتٸ جۇما نامازعا قاتىسۋىن مٸندەتتەمەيدٸ», - دەلٸنگەن دٸني باسقارما اقپاراتىندا.
وسى رەتتە قازاقستان مۇسىلماندارى دٸني باسقارماسىنىڭ عۇلامالار كەڭەسٸ ەلٸمٸزدە جارييالانعان تٶتەنشە جاعدايدى ەسكەرە كەلە, كوروناۆيرۋستىڭ جاماعات اراسىندا تارالۋىنىڭ الدىن الۋ شاراسىنا قاتىستى مىناداي مەلٸمدەمە جاسادى.
بٸرٸنشٸدەن, مەملەكەت تاراپىنان ەلدە تٶتەنشە جاعداي جارييالانۋىنا جەنە ٸندەتتٸڭ تارالۋ قاۋپٸ جوعارى بولۋىنا بايلانىستى مەشٸتتەردە جۇما نامازى ۋاقىتشا وقىلمايدى. ەركٸم ٶز ٷيٸندە جۇما نامازدىڭ ورنىنا بەسٸن نامازىن ٶتەيدٸ.
ەكٸنشٸدەن, مەشٸتتەر جابىلمايدى, بەس ۋاقىت نامازعا ازان شاقىرىلادى, الايدا بەس ۋاقىت ناماز مەشٸتتە جاماعاتپەن وقىلمايدى.
ٷشٸنشٸدەن, مەشٸت جانىنداعى اسحانالاردا ٶتەتٸن قۇدايى اس, ساداقالار (جەتٸسٸ, قىرقى, جىلى ت.ب. دەستٷرلٸ كەدەلەر) ۋاقىتشا توقتاتىلادى.
تٶرتٸنشٸدەن, جانازا نامازىن تەك جاقىن تۋىستارىمەن, ياعني از توپپەن ٶتكٸزگەن دۇرىس.
قازاقستان مۇسىلماندارى دٸني باسقارماسى مۇسىلمان قاۋىمىن سابىر ساقتاۋعا, ورىنسىز ٷرەيلەنبەۋگە, حالىقتى دٷرلٸكتٸرمەۋگە جەنە اللا تاعالاعا دۇعا ەتۋگە شاقىرادى.
