قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ كەڭەيتٸلگەن القا مەجٸلٸسٸندە قر پرەمەر-مينيسترٸنٸڭ ورىنباسارى رومان سكليار بٸرقاتار تاپسىرما بەردٸ, دەپ حابارلايدى قازاقپارات.
«كٶلٸك سالاسىن دامىتۋ بويىنشا بٷگٸن ايتىلعان «نۇرلى جول» ينفراقۇرىلىمدى دامىتۋ مەملەكەتتٸك باعدارلاماسىنىڭ 2020-2025 جىلدارعا ارنالعان, سونىڭ ٸشٸندە 2020 جىلى ورىندالۋى كەرەك جوسپارىن ەرەكشە باقىلاۋعا الۋ قاجەت. كونتەينەر تاسىمالى كٶلەمٸن كەم دەگەندە 30%-عا ارتتىرۋ كەرەك, سونىمەن قاتار قۇرىق پورتى مەن يران پورتتارى اراسىندا پاروم قىزمەتٸن اشۋ ٷشٸن شارا قابىلداۋ كەرەك. بۇدان بٶلەك, سٸزدەرگە ەلٸمٸزدٸڭ ٸشكٸ سۋ جولدارىندا كەمە قاتىناسىن دامىتۋ تۇجىرىمداماسىن ەزٸرلەۋدٸ تاپسىرامىن», - دەدٸ رومان سكليار.
سونىمەن قاتار, ونىڭ ايتۋىنشا, ااۆتوكٶلٸك مەكەمەسٸ جەرگٸلٸكتٸ اتقارۋشى ورگاندارمەن بٸرلەسٸپ, مٷمكٸندٸگٸنشە جەكە تاسىمالداۋشىلاردى تارتا وتىرىپ, ايماقتارداعى ەلەۋمەتتٸك ماڭىزى بار باعىتتاردى سۋبسيدييالاۋدى ۇيىمداستىرۋى تيٸس.
«قۇرىلىس ماۋسىمى باستالعانعا دەيٸن ماقساتقا جەتۋ ٷشٸن جولدى دامىتۋ كەزٸندە جىلدىق سۇرانىستاعى ينەرتتٸ ماتەريالداردىڭ كەم دەگەندە 70% ساتىپ الۋ قاجەت. جول سالۋ, جٶندەۋ جەنە كٷتٸپ ۇستاۋدى جٷيەلٸ نەگٸزدە قامتاماسىز ەتۋ كەرەك. اقتٶبە - اتىراۋ - استراحان, قاراعاندى - بالقاش - الماتى, تالدىقورعان - ٶسكەمەن جەنە باسقا دا كٶلٸك جولدارىندا قوزعالىس اشۋدى پىسىقتاۋ كەرەك», - دەيدٸ ول.
سونداي-اق, رومان سكليار مينيسترلٸككە ەكٸمدٸكتەرمەن بٸرگە سۋ تاسقىنى كەزەڭٸنە ساپالى دايىندىقتى ەرەكشە باقىلاۋعا الۋدى, سونداي-اق جەرگٸلٸكتٸ جول جەلٸلەرٸن قالپىنا كەلتٸرۋگە قارجى بٶلۋدٸ تاپسىردى.
