قازاقستاننىڭ ٸشكٸ نارىعى مۇناي ٶنٸمدەرٸمەن تولىق قامتاماسىز ەتٸلدٸ. بۇل تۋرالى ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى قازاقپارات.
«مۇناي ٶنٸمدەرٸن ٶڭدەۋ 2020 جىلدىڭ قاڭتار-شٸلدە ايلارىنىڭ قورىتىندىسى بويىنشا 6,4 ملن توننانى قۇرادى. بٷگٸندە مۇناي ٶنٸمدەرٸن ٶڭدەۋ ەسەپتٸ جىلدىڭ جوسپارىمەن سالىستىرعاندا ٶسٸم كٶرسەتۋدە. ياعني, اۆتوبەنزين 2,5 ملن, ديزەل وتىنى 2,5 ملن, ەۋە وتىنى 253 مىڭ, مازۋت 1,4 ملن توننا ٶندٸرٸلدٸ. بيتۋم ٶندٸرٸسٸ 539 مىڭ توننانى نەمەسە ٶتكەن جىلدىڭ جەتٸ ايىمەن سالىستىرعاندا 116,7 پايىزدى قۇرادى», -دەدٸ ول.
وسى رەتتە مينيستر مۇناي ٶنٸمدەرٸن ٶڭدەۋ كٶرسەتكٸشٸنٸڭ ارتۋىنا نە سەبەپ بولعاندىعىن تٷسٸندٸرٸپ ٶتتٸ.
«مۇناي ٶڭدەۋ زاۋىتتارىن جاڭعىرتۋدىڭ نەتيجەسٸندە مۇنايدى تەرەڭ ٶڭدەۋ قامتاماسىز ەتٸلدٸ. بٷگٸنگٸ تاڭدا ٸشكٸ نارىق مۇناي ٶنٸمدەرٸمەن تولىق قامتاماسىز ەتٸلگەن»,- دەدٸ نۇرلان نوعاەۆ.
