قر ٸٸم كادر ساياساتى دەپارتامەنتٸ باسقارماسىنىڭ باستىعى اقان نۇرىشەۆ ٸشكٸ ٸستەر مينيسترلٸگٸنٸڭ جوو-سىنا قابىلداۋ قاعيدالارىنىڭ قالاي ٶزگرەگەنٸن تٷسٸندٸردٸ, دەپ حابارلايدى قازاقپارات.
«ٸشكٸ ٸستەر ورگاندارىن جاڭعىرتۋ جول كارتاسى اياسىندا ۆەدومستۆولىق بٸلٸم بەرۋدٸڭ ٸرٸكتەۋ, وقىتۋ, بٸلٸكتٸلٸگٸن ارتتىرۋ جەنە قايتا دايارلاۋ مەسەلەلەرٸن جٷزەگە اسىرۋ بٶلٸگٸ جاڭعىرتىلىپ جاتىر. قازٸر ۆەدومستۆولىق بٸلٸم بەرۋ وڭتايلاندىرىلعان, وقۋ ورىندارى ولاردىڭ ماماندانۋىنا قاراي قالدىرىلدى. قاراعاندى اكادەميياسى تەرگەۋشٸلەر مەن كريميناليستەردٸ, الماتى اكادەميياسى – جەدەل جەنە تەحنيكالىق قىزمەتكەرلەردٸ, قوستاناي اكادەميياسى – ەكٸمشٸلٸك پوليتسييا جەنە قىلمىستىق-اتقارۋ جٷيەسٸ قىزمەتكەرلەرٸن, اقتٶبە ينستيتۋتى – ەكٸمشٸلٸك پوليتسييا قىزمەتكەرلەرٸن, شىمكەنت وقۋ ورتالىعى – مامانداندىرىلعان كٷزەت قىزمەتٸن دايارلايدى», - دەدٸ ا. نۇرىشەۆ مينيسترلٸكتٸڭ اپتالىق بريفينگتٸندە.
سپيكەردٸڭ ايتۋىنشا, جاڭعىرتۋ اياسىندا وقىتۋ تەسٸلدەرٸ ايتارلىقتاي ٶزگەرگەن, ارنايى پوليتسييا تاكتيكاسى, ٸشكٸ ٸستەر قىزمەتكەرلەرٸن پسيحولوگييالىق دايارلاۋ, اقپاراتتىق-كوممۋنيكاتسييالىق تەحنولوگييالار سىندى جاڭا ارنايى كۋرستار مەن پەندەر ەنگٸزٸلگەن. كادرلاردىڭ بٸلٸكتٸلٸگٸن ارتتىرۋ جەنە قايتا دايارلاۋ بٶلٸگٸندە قازٸر بارلىق وقۋ ورىندارىندا ٸشكٸ ٸستەر ورگاندارىنىڭ قىزمەتكەرلەرٸن پسيحولوگييالىق دايارلاۋ, حالىقپەن جۇمىستىڭ سەرۆيستٸك فورماتى بويىنشا كۋرستار جٷرگٸزٸلەدٸ.
«باكالاۆريات باعىتى بويىنشا جوو-عا تٷسكٸسٸ كەلەتٸن تالاپكەر مٸندەتتٸ تٷردە اۋماقتىق ٸشكٸ ٸستەر ورگاندارىنىڭ كادر قىزمەتتەرٸ ارقىلى نەمەسە تٸكەلەي وقۋ ورىندارىنا ٶتٸنٸم بەرەدٸ. سونداي-اق ٶتٸنٸمدٸ ەلەكتروندى تٷردە بەرۋگە بولادى, وعان جەكە كۋەلٸكتٸڭ كٶشٸرمەسٸ, فوتوسۋرەتتەر, ٶمٸربايان, بٸلٸمٸ تۋرالى قۇجاتتىڭ كٶشٸرمەسٸ قوسا بەرٸلەدٸ. اۋماقتىق ٸشكٸ ٸستەر ورگانىنىڭ جەنە وقۋ ورىندارىنىڭ كادر قىزمەتتەرٸ وقۋ كانديداتتارىن قاراستىرادى, مەديتسينالىق كۋەلاندىرۋعا جٸبەرەدٸ, ارنايى تەكسەرۋ جٷرگٸزەدٸ جەنە جەكە ٸستەرٸن 1 شٸلدەگە دەيٸن ٸٸم-نٸڭ تيٸستٸ جوعارى وقۋ ورىندارىنا جٸبەرەدٸ», - دەيدٸ ا. نۇرىشەۆ.
وقۋعا ٷمٸتكەرلەر ۇبت-نى 5 شٸلدەگە دەيٸن تاپسىرادى. ۇبت قازاقستان تاريحى, ماتەماتيكالىق ساۋاتتىلىق, وقۋ ساۋاتتىلىعى جەنە ەكٸ بەيٸندٸ پەن بويىنشا ٶتكٸزٸلەدٸ. جاڭاشىلدىقتاردىڭ بٸرٸ –قاراعاندى اكادەميياسىنا تٷسكٸسٸ كەلەتٸندەر كەز كەلگەن ەكٸ بەيٸندٸك پەندٸ تاڭداي الادى. ۇبت قورىتىندىسى بويىنشا كەمٸندە 50 بالل, ونىڭ ٸشٸندە ەربٸر پەن بويىنشا – كەمٸندە 5 بالل جيناۋ قاجەت.
ۇبت تاپسىرعان سوڭ تالاپكەرلەر بەلگٸلەنگەن مەرزٸمگە سەيكەس وقۋ ورنىنا كەلەدٸ. وقۋعا قابىلداۋدى جوو-نىڭ قابىلداۋ كوميسسيياسى ٷش كەزەڭدە ۇيىمداستىرادى: تٷپكٸلٸكتٸ مەديتسينالىق كۋەلاندىرۋ, تالاپكەرلەردٸڭ دەنە دايىندىعىن تەكسەرۋ, ۇلدار مەن قىزدار ٷشٸن: 100 جەنە 1000 مەترگە جٷگٸرۋ. ۇلدار بيٸك بەلتەمٸرگە تارتىلادى, ال قىزدار – 1 مينۋت بويى ارقادا جاتىپ دەنەنٸ كٶتەرەدٸ. ٷشٸنشٸ كەزەڭ – مەديتسينالىق كٶرسەتكٸشتەر مەن دەنە شىنىقتىرۋ دايىندىعىنىڭ نەتيجەلەرٸ بويىنشا ٸرٸكتەۋدٸ ەسكەرٸپ, ۇبت قورىتىندىسىنا سەيكەس تالاپكەرلەردٸ قابىلداۋ.
كانديداتتى قىزمەتكە جارامدىلىعىن انىقتاۋ ٷشٸن مەديتسينالىق جەنە پسيحوفيزيولوگييالىق تەكسەرۋ, سونداي-اق كانديداتتى ارنايى ەسەپكە الۋ بازالارى بويىنشا تەكسەرۋ جٷرگٸزٸلەدٸ.
وقۋ ورىندارىنا ٸرٸكتەۋ دالالىق وقۋ لاگەرلەرٸندە ٶتەدٸ. دەنە شىنىقتىرۋ دايارلىعى سىناقتارىنىڭ نەتيجەسٸمەن كەلٸسپەگەن كانديدات اپەللياتسيياعا ٶتٸنٸش بەرۋگە قۇقىلى. اپەللياتسييالىق كوميسسييانى تيٸستٸ وقۋ ورنىنىڭ باستىعى قۇرادى. ٶتٸنٸش نەتيجە جارييالانعاننان كەيٸنگٸ كٷنٸ ساعات 13.00-گە دەيٸن بەرٸلەدٸ. ٶتٸنٸش تەۋلٸك ٸشٸندە قارالادى. ٶتٸنٸش بەرگەن ەربٸر كانديدات بٸر فيزيكالىق سىناقتى قايتا تاپسىرۋعا قۇقىلى.
