فوتو: Akorda.kz
مەملەكەت باسشىسى ٸشكٸ ٸستەر مينيسترٸ مارات احمەتجانوۆتى قابىلدادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتكە ەلٸمٸزدەگٸ كريمينوگەندٸك احۋال جٶنٸندە جەنە 30 ماۋسىمدا ٶتكەن ٸشكٸ ٸستەر مينيسترلٸگٸنٸڭ كەڭەيتٸلگەن القا وتىرىسىندا بەرٸلگەن تاپسىرمالاردىڭ ورىندالۋ بارىسى تۋرالى مەلٸمەت بەرٸلدٸ.
كەزدەسۋدە قاسىم-جومارت توقاەۆقا قىلمىس سانىنىڭ ازايعانى جٶنٸندە باياندالدى. مارات احمەتجانوۆتىڭ ايتۋىنشا, كٸسٸ ٶلتٸرۋ, بۇزاقىلىق, ۇرلىق, قاراقشىلىق, توناۋ, مال ۇرلىعى جەنە دەنساۋلىققا اۋىر زاقىم كەلتٸرۋ جەنە باسقا دا قىلمىستار ايتارلىقتاي ازايعان.
پرەزيدەنتكە ەلوردادا جٷزەگە اسىرىلىپ جاتقان CyberPol جوباسىنىڭ نەتيجەلەرٸ تانىستىرىلدى. جوبا ينتەرنەت-الاياقتىققا قارسى ٸس-قيمىلدى جەتٸلدٸرۋگە باعىتتالعان.
سونىمەن قاتار مينيستر ەسٸرتكٸ قىلمىسىنا قارسى كٷرەس باعىتىندا جٷرگٸزٸلٸپ جاتقان جۇمىستاردىڭ قورىتىندىسى تۋرالى ەسەپ بەردٸ. جىل باسىنان بەرٸ قۇقىق قورعاۋ جەنە ارناۋلى ورگانداردىڭ بٸرلەسكەن كٷش-جٸگەرٸنٸڭ نەتيجەسٸندە 14,3 توننا ەسٸرتكٸ, سونىڭ ٸشٸندە 71,5 كگ گەروين, 652 كگ سينتەتيكالىق ەسٸرتكٸ تەركٸلەندٸ. ٸٸم كٷشتەرٸ 52 ەسٸرتكٸ زەرتحاناسىن جويىپ, 85 توننا پرەكۋرسور تەركٸلەدٸ.
بۇدان بٶلەك, ۇيىمداسقان قىلمىستىق توپتاردىڭ ەرەكەتتەرٸ بويىنشا 37 قىلمىستىق ٸس تەرگەلٸپ جاتىر. ادام ساۋداسىنا بايلانىستى 111 قىلمىس انىقتالدى.
پرەزيدەنتكە وتباسىلىق-تۇرمىستىق سالادا زورلىق-زومبىلىق جاساعاندارعا قاتىستى جاۋاپكەرشٸلٸكتٸ قاتاڭداتۋ شارالارى تۋرالى دا ايتىلدى. قازٸر مۇنداي قۇقىقبۇزۋشىلىقتار جەبٸرلەنۋشٸنٸڭ ارىز-شاعىمىنسىز تٸركەلٸپ, ٸس قوزعالا بەرەدٸ.
مەملەكەت باسشىسىنا جول-كٶلٸك وقيعالارىنىڭ الدىن الۋ جەنە شەتەلدٸك اۆتوكٶلٸكتەردٸ زاڭداستىرۋ جۇمىستارىنىڭ نەتيجەلەرٸ تۋرالى باياندالدى.
كەزدەسۋ سوڭىندا پرەزيدەنت قۇقىق قورعاۋ ورگاندارىنا ازاماتتاردىڭ كونستيتۋتسييالىق قۇقىقتارىنىڭ قاتاڭ ساقتالۋىن قامتاماسىز ەتۋدٸ تاپسىردى. سونىمەن بٸرگە قاسىم-جومارت توقاەۆ ٸٸم باسشىلىعىنا قۇقىقتىق تەرتٸپ پەن قوعامدىق قاۋٸپسٸزدٸك دەڭگەيٸن ودان ەرٸ ارتتىرۋ جٶنٸندە بٸرقاتار مٸندەت جٷكتەدٸ.
