قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا سۋارىلاتىن جەرلەردٸڭ يرريگاتسييالىق ينفراقۇرىلىمىن جاڭعىرتۋ مەسەلەسٸ قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
گەولوگييا, ەكولوگييا جەنە تابيعي رەسۋرستار مينيسترٸ ماعزۇم مىرزاعاليەۆ, اۋىل شارۋاشىلىعى مينيسترٸ ساپارحان وماروۆ, سونداي-اق تٷركٸستان جەنە قىزىلوردا وبلىستارىنىڭ ەكٸمدەرٸ ٶمٸرزاق شٶكەەۆ پەن گٷلشارا ەبدٸقالىقوۆا بايانداما جاسادى.
قازاقستاندا 2020-2021 جىلدارى 6 785 كيلومەتر كانال, 4 سۋ قويماسى, 4 سۋ تورابى, 239 تٸك درەناج ۇڭعىماسى جەنە 23 مىڭ ٶزگە دە سۋ شارۋاشىلىعى قۇرىلىستارى قايتا جاڭارتىلادى.
يرريگاتسييالىق ينفراقۇرىلىمدى دامىتۋ مەن جاڭعىرتۋ جوبالارىن ٸسكە اسىرۋ 2020-2021 جىلدارى الماتى, جامبىل, تٷركٸستان, قىزىلوردا جەنە اقتٶبە وبلىستارىندا قوسىمشا 500 مىڭداي گەكتار سۋارمالى جەردٸ پايدالانۋعا مٷمكٸندٸك بەرەدٸ. بۇعان شامامەن 274 ملرد تەڭگە كٶزدەلگەن. 88 مىڭ جۇمىس ورنى قۇرىلادى, وعان قۇرىلىس جەنە جٶندەۋ جۇمىستارى كەزٸندەگٸ 11 مىڭ جۇمىس ورنى جەنە 77 مىڭ تۇراقتى جۇمىس ورنى كٸرەدٸ.
وسى اينالىمعا ەنگٸزٸلەتٸن جەرلەردەگٸ اۋىل شارۋاشىلىعى جالپى ٶنٸمٸنٸڭ كٶلەمٸ جىلىنا 165 ملرد تەڭگەنٸ قۇرايدى جەنە ساۋدا, ٶنٸمدٸ ٶڭدەۋ, مال شارۋاشىلىعى سالالارىندا مۋلتيپليكاتيۆتٸك ەسەر ەتەدٸ.
«قر پرەزيدەنتٸ قاسىم-جومارت كەمەلۇلى توقاەۆ ٶز جولداۋىندا 2030 جىلعا قاراي سۋارمالى جەرلەردٸڭ كٶلەمٸن 1,5 ملن گەكتاردان 3 ملن گا دەيٸن بٸرتٸندەپ ۇلعايتۋ قاجەتتٸلٸگٸن اتاپ ٶتتٸ», — دەدٸ ا. مامين.
پرەمەر-مينيستر سۋارمالى جەرلەردٸڭ ينفراقۇرىلىمىن اۋقىمدى تٷردە كەڭەيتۋ اگروٶنەركەسٸپتٸك كەشەندٸ دامىتۋعا ەلەۋلٸ سەرپٸن بەرەتٸنٸن, ول ەل ەكونوميكاسىنىڭ قۇرىلىمىندا ماڭىزدى سەكتورعا اينالۋى تيٸس ەكەنٸن اتاپ ايتتى.
«قابىلداناتىن شارالار 2024 جىلعا قاراي جەمٸس-كٶكٶنٸس ٶنٸمدەرٸ بويىنشا يمپورتتى جٷز پايىز الماستىرۋعا مٷمكٸندٸك جاسايدى», — دەدٸ ا. مامين.
ٷكٸمەت باسشىسى ەكولوگييا, اۋىل شارۋاشىلىعى مينيسترلٸكتەرٸنە, ەكٸمدٸكتەرگە يرريگاتسييالىق ينفراقۇرىلىمدى دامىتۋ جەنە جاڭعىرتۋ جوبالارىن ٸسكە اسىرۋدى تەزدەتٸپ باستاۋدى, سونداي-اق قاراجاتتىڭ تيٸمدٸ يگەرٸلۋٸنە تيٸسٸنشە باقىلاۋ جٷرگٸزۋدٸ قامتاماسىز ەتۋدٸ تاپسىردى. بۇل رەتتە جۇمىس ورىندارىن ساقتاۋعا جەنە جاڭا جۇمىس ورىندارىن قۇرۋعا ەرەكشە كٶڭٸل بٶلٸنۋٸ قاجەت.
«اۋىل شارۋاشىلىعى مينيسترلٸگٸ ەكٸمدٸكتەرمەن بٸرلەسٸپ, پايدالانۋعا بەرٸلەتٸن سۋارمالى جەرلەردٸ بارىنشا جەنە سٶزسٸز يگەرۋ بويىنشا جۇمىس جٷرگٸزسٸن. ٶڭٸرلەر جەر ۋچاسكەلەرٸن ۋاقىتىندا بٶلۋ, فەرمەرلٸك القاپتارعا قاجەتتٸ ينفراقۇرىلىمدى جەتكٸزۋ بويىنشا بارلىق شارالاردى قابىلداۋى قاجەت», — دەدٸ ا. مامين.
