قازاقستان پرەزيدەنتٸ نۇرسۇلتان نازارباەۆ «ۇلى دالانىڭ جەتٸ قىرى» اتتى ماقالاسىندا جاڭا تاريحي ديسكۋرسقا مۇرىندىق بولدى. بۇل تۋرالى قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتىنىڭ باس عىلىمي قىزمەتكەرٸ, تاريح عىلىمدارىنىڭ دوكتورى يرينا چەرنىح ايتىپ بەردٸ, دەپ جازادى قازاقپارات اگەنتتٸگٸ.
«مەنٸڭشە, پرەزيدەنتتٸڭ وسى ماقالاسى - ونىڭ قوعامدىق سانانى جاڭعىرتۋ جٶنٸندەگٸ العاشقى ماقالاسىنىڭ لوگيكالىق جالعاسى. ٶيتكەنٸ, نۇرسۇلتان ەبٸشۇلى نازارباەۆ بٸرٸنشٸ ماقالاسىندا-اق قازاق حالقىنىڭ تاريحى جايلى ايتا كەلٸپ, «بٸز كٸمبٸز?», «قايدا بارامىز?» دەگەن سيياقتى سۇراقتاردى كٶلدەنەڭ قويعان بولاتىن. ياعني, بٸرٸنشٸ ماقالا جالپى قازاقستاندىق سەيكەستٸكتٸ قالىپتاستىرۋ مەسەلەلەرٸنە ارنالدى. مىنا ماقالا دا جالپى سەيكەستٸكتٸ قالىپتاستىرۋعا قاتىستى, بٸراق ەندٸ پرەزيدەنت تاريح تۇڭعيىعىنا تەرەڭدەي وتىرىپ, كەڭٸرەك اشىپ كٶرسەتەدٸ. ياعني, ول, ەڭ الدىمەن, قازاقستان - ۇلى دالا ەلٸ ەكەنٸن ايتادى», - دەيدٸ يرينا چەرنىح.
ساراپشى قازٸر قازاقستان ەلەمگە مۇنايىمەن, ەقىۇ-عا تٶراعالىق ەتۋٸمەن, يادرولىق قارۋدى تاراتپاۋ باعدارلاماسى جەنە باسقا دا بٸرقاتار حالىقارالىق باستاماسىمەن تانىلعانىن تٸلگە تيەك ەتتٸ.
«بٷگٸندە پرەزيدەنت «قازاقستان - ۇلى دالا ەلٸ» جاڭا تاريحي ديسكۋرسىنا مۇرىندىق بولىپ وتىر. ول ٶز ماقالاسىندا قازاقستان ورنالاسقان ۇلى دالا كەڭٸستٸگٸنٸڭ نە ەكەنٸن ناقتىلايدى. بٸز ٶزٸمٸزگە تاريح پريزماسى ارقىلى قارايمىز. وسى ماقالادا پرەزيدەنتتٸڭ قازٸرگٸ قازاقستاندىقتاردىڭ اتا-بابا مەكەنٸنە, ولاردىڭ جاھاندىق تاريحقا, جاھاندىق ٶركەنيەتكە قوسقان ٷلەسٸنە تالداۋ جٷرگٸزەدٸ. ول وسى جەردە ويلاپ تابىلعان, جاھاندىق ٶركەنيەتتٸڭ دامۋىنا ٶلشەۋسٸز ٷلەس قوسقان بۇيىمدار تۋرالى ايتادى. ياعني, بٸزدٸڭ بولمىسىمىزدى, ٶتكەنٸمٸز بەن بٷگٸنٸمٸزدٸ كٶرسەتەدٸ ەرٸ بۇل - پرەزيدەنت ايتقان قوعامدىق سانانى جاڭعىرتۋدىڭ جالعاسى», - دەيدٸ يرينا چەرنىح.
ساراپشى «رۋحاني جاڭعىرۋ» باعدارلاماسى اياسىنداعى «قازاقستاننىڭ كيەلٸ جەرلەرٸنٸڭ گەوگرافيياسى» جەنە «تۋعان جەر» جوبالارىن ەسكە سالدى.
«قازٸر پرەزيدەنت قازاقستاننىڭ تاريحىمەن, زەرتتەۋلەردٸ دامىتۋمەن بايلانىستى بۇرىنعىدان دا كٶبٸرەك ۇسىنىستار ايتىپ جاتىر. مىسالى, «ارحيۆ-2025», «ۇلى دالانىڭ ۇلى ەسٸمدەرٸ» سەكٸلدٸ تاريحپەن بايلانىستى, بٸز كٸمبٸز, قايدا بارامىز دەگەن سيياقتى مەسەلەلەرگە ارنالعان كٶپتەگەن باستامالاردى العا تارتتى», - دەيدٸ تاريحشى عالىم.
.jpeg)