قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا ۇلتتىق ەكونوميكا مينيسترٸ رۋسلان دەلەنوۆ كەسٸپكەرلٸكتٸ جەنە وتاندىق ٶندٸرٸستٸ قولداۋ شارالارى تۋرالى باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ۇلتتىق ەكونوميكا مينيسترٸنٸڭ ايتۋىنشا, مەملەكەت باسشىسىنىڭ بيزنەستٸ قولداۋ جەنە ەڭبەك نارىعىندا تۇراقتىلىقتى قامتاماسىز ەتۋگە قاتىستى تاپسىرماسىن ورىنداۋ ٷشٸن 7 نەگٸزگٸ باعىتتان تۇراتىن جەدەل شارالار توپتاماسى ەزٸرلەنۋدە. بۇل قولجەتٸمدٸ قارجىلاندىرۋ, كەپٸلدٸكتەر بەرۋ, سالىقتىق ىنتالاندىرۋ جەنە بيزنەستٸ تەكسەرۋلەردٸ ازايتۋ, سونداي-اق حالىقتى جۇمىسپەن قامتاماسىز ەتۋ.
بٸرٸنشٸ باعىت بويىنشا «بيزنەستٸڭ جول كارتاسى-2025» جەنە «قاراپايىم زاتتار ەكونوميكاسى» باعدارلامالارىن سينحرونداۋ شەڭبەرٸندە كەسٸپكەرلەر ٷشٸن تەڭگەلٸك قارجىلاندىرۋعا قولجەتٸمدٸلٸكتٸ ارتتىرۋ كٶزدەلەتٸن بولادى.
بٸرٸنشٸدەن, نەسيەلەندٸرۋ 1 ترلن تەڭگەگە دەيٸن 400 ملرد تەڭگەگە ۇلعاياتىن بولادى. قاراجات, ەڭ الدىمەن, يمپورتقا تەۋەلدٸلٸكتٸ تٶمەندەتۋ جەنە ازىق-تٷلٸك قاۋٸپسٸزدٸگٸن قامتاماسىز ەتۋ ٷشٸن وتاندىق ٶنٸم ٶندٸرۋشٸلەرگە بەرٸلەتٸن بولادى.
«بيزنەستٸڭ جول كارتاسى-2025» مەملەكەتتٸك باعدارلاماسى بويىنشا نەسيەنٸڭ جوعارعى شەگٸ 7 ملرد تەڭگەگە دەيٸن ۇلعايادى. اعىمداعى شىعىستاردى جابۋ ٷشٸن بيزنەستٸڭ اينالىم قاراجاتىن قارجىلاندىرۋدى كەڭەيتۋ ۇسىنىلادى.
ەكٸنشٸدەن, نەسيەلەر بويىنشا تٷپكٸلٸكتٸ سىياقى مٶلشەرلەمەسٸ بٸر قالىپقا كەلتٸرٸلەدٸ جەنە 6%-دى قۇرايدى.
ٷشٸنشٸدەن, «بيزنەستٸڭ جول كارتاسى-2025» باعدارلاماسىندا سالالىق شەكتەۋلەر الىناتىن بولادى جەنە «قاراپايىم زاتتار ەكونوميكاسى» باعدارلاماسىندا باسىم تاۋارلار تٸزبەسٸ كەڭەيتٸلەتٸن بولادى.
«ەكٸنشٸ باعىت اياسىندا كەپٸلدەردٸڭ جەتٸسپەۋشٸلٸگٸ مەسەلەسٸن شەشۋ ٷشٸن, “بيزنەستٸڭ جول كارتاسى-2025” باعدارلاماسى شەڭبەرٸندە ورتا بيزنەسكە كرەديت سوماسىن 1 ملرد تەڭگەگە دەيٸن ارتتىرۋ ۇسىنىلادى, ول بويىنشا 50% مٶلشەرٸندە كەپٸلدەندٸرۋ بەرٸلەتٸن بولادى. ميكرو جەنە شاعىن بيزنەس ٷشٸن 85%-عا دەيٸن كەپٸلدٸك بەرۋمەن نەسيە سوماسىن 360 ملن تەڭگەگە دەيٸن ارتتىرۋ ۇسىنىلادى. جالپى كەپٸلدٸك بەرۋ تەتٸگٸ وڭايلاتىلاتىن بولادى», — دەدٸ ر. دەلەنوۆ.
ٷشٸنشٸ باعىت بويىنشا وسى كەزەڭدە ورتا بيزنەستٸ تەكسەرۋ سانىن تٶمەندەتۋ ۇسىنىلادى. قازٸرگٸ ۋاقىتتا ميكرو جەنە شاعىن بيزنەستٸ تەكسەرۋگە موراتوريي قويىلعانىن اتاپ ٶتكەن جٶن.
تٶرتٸنشٸ باعىت اياسىندا شاعىن جەنە ورتا بيزنەستٸڭ جەكەلەگەن ساناتتارى ٷشٸن سالىقتىق ىنتالاندىرۋلار كٶزدەلەدٸ. بۇل - ٸرٸ ساۋدا وبەكتٸلەرٸ, كينوتەاترلار, تەاترلار, كٶرمەلەر, سپورت وبەكتٸلەرٸ.
بۇل ساناتتاعى زاڭدى تۇلعالار جەنە جەكە كەسٸپكەرلەر ٷشٸن بٸر جىلعى مەرزٸمٸنە مٷلٸك سالىعىنان بوساتۋ ۇسىنىلادى. بٸر توقسانعا ٶسٸمپۇل ەسەپتەۋدٸ توقتاتۋ كەرەك. 3 توقسان ٷشٸن سالىقتىق ەسەپتٸلٸك مەرزٸمٸن اۋىستىرۋ قاجەت.
بەسٸنشٸ باعىت اگروٶنەركەسٸپتٸك كەشەن سۋبەكتٸلەرٸن نەسيەلەندٸرۋدٸ ۇلعايتۋدان باسقا سالىقتىق ىنتالاندىرۋلار كٶزدەلەدٸ. مۇندا ٸرٸ قارا تٶلدەيتٸن مالدى, اسىل تۇقىمدى بالاپانداردى قامتيتىن بيولوگييالىق اكتيۆتەردٸڭ يمپورتىنا سالىناتىن قوسىلعان قۇن سالىعىنان بوساتۋ بولجانعان. سونداي-اق شامامەن 7 مىڭ اۋىل شارۋاشىلىعى ٶنٸمدەرٸن ٶندٸرۋشٸلەرٸ اۋىل شارۋاشىلىعىنا ارنالعان جەرلەرگە سالىناتىن سالىقتى تٶلەۋدەن بوساتىلاتىن بولادى.
التىنشى باعىت اياسىندا جالپىعا بٸردەي بەلگٸلەنگەن رەجيمدە جۇمىس ٸستەيتٸن جەكە كەسٸپكەرلەردٸ سالىقتان بوساتۋ ۇسىنىلادى.
«ارنايى سالىق رەجيمدەرٸ بويىنشا جۇمىس ٸستەيتٸن كەسٸپكەرلەردٸڭ كٸرٸستەرٸ وسى جىلدىڭ باسىنان باستاپ سالىقتان بوساتىلعانىن اتاپ ٶتكەن جٶن. جالپىعا بٸردەي بەلگٸلەنگەن رەجيمدٸ پايدالاناتىن كەسٸپكەرلەردٸ قولداۋعا بولادى دەپ سانايمىز», — دەدٸ مينيستر.
سونىمەن قاتار ر. دەلەنوۆ جەتٸنشٸ باعىت اياسىندا ەڭبەك نارىعىندا تۇراقتىلىقتى قامتاماسىز ەتۋگە باعىتتالعان جاڭا جۇمىسپەن قامتۋ جول كارتاسى ەزٸرلەنٸپ جاتقانىن ايتتى. جالپى قارجىلاندىرۋ 300 ملرد تەڭگەنٸ قۇرايدى. ٶتكٸزٸلگەن سكرينينگ نەتيجەلەرٸ بويىنشا ٸرٸكتەلگەن ٶڭٸرلەردەگٸ جاڭا ينفراقۇرىلىمدىق جوبالاردى ٸسكە اسىرۋ ەسەبٸنەن 120 مىڭ جۇمىس ورنى قۇرىلاتىن بولادى. مۇنداي جوبالاردى ٸسكە اسىرۋ جولداردى, كٶپٸرلەردٸ جٶندەۋ, تۇرعىن ٷي كوممۋنالدىق شارۋاشىلىعى جەنە ەلەۋمەتتٸك ينفراقۇرىلىم وبەكتٸلەرٸن رەكونسترۋكتسييالاۋ سيياقتى حالىقتىڭ ەڭ ٶزەكتٸ پروبلەمالارىن شەشۋگە مٷمكٸندٸك بەرەدٸ.
«كەشە مەملەكەت باسشىسى تەلەۆيزييا ارقىلى جاسالعان ٷندەۋٸندە اتاپ ٶتكەندەي, كەسٸپكەرلٸكتٸ قولداۋعا جەنە جاڭا جۇمىس ورىندارىن قۇرۋعا كەم دەگەندە 300 ملرد تەڭگە بٶلٸنەتٸن بولادى. نەسيەلەردٸ سۋبسيدييالاۋ جەنە سالىقتىق ىنتالاندىرۋلاردى بەرۋ مەسەلەلەرٸ قوسىمشا پىسىقتالدى, سونداي-اق “قاراپايىم زاتتار ەكونوميكاسى” باعدارلاماسى شەڭبەرٸندە 400 ملرد تەڭگەگە دەيٸن قوسىمشا تەڭگەدەگٸ ٶتٸمدٸلٸك بەرٸلەتٸن بولادى. قىزمەتتٸك بەلسەندٸلٸكتٸ ساقتاۋدان باسقا 160 مىڭ جاڭا جۇمىس ورنى قۇرىلادى. جالپى, اتالعان جەدەل شارالار ەڭبەك نارىعىنا جەنە ەكونوميكاعا تۇراقتاندىرۋ ەسەرٸن بەرەدٸ», — دەپ تٷيٸندەدٸ ر. دەلەنوۆ.
