يسلام رەۆوليۋتسيياسى ساقشىلارى كورپۋسىنىڭ شەتەلدەگٸ ارنايى وپەراتسييالارىنا جاۋاپتى ەسكەري بٶلٸمدٸ باسقارعان گەنەرال كاسەم سٷلەيماني 3 قاڭتاردا باعداتتا قازا تاپتى. ول جۇما كٷنٸ باعدات حالىقارالىق ەۋەجايىنا جاسالعان ەۋە سوققىسى كەزٸندە مەرت بولعان. بۇل اقپاراتتى بٸرٸنشٸ بولىپ يراننىڭ مەملەكەتتٸك تەلەارناسى حابارلادى. پەنتاگون ٶكٸلٸ بۇل اقش پرەزيدەنتٸ دونالد ترامپ بۇيرىعىمەن ٶتكٸزٸلگەن امەريكانىڭ ەسكەري وپەراتسيياسى ەكەنٸن راستادى.
سۋلەيمانيمەن بٸرگە يران قولدايتىن قارۋلى توپ جەتەكشٸلەرٸنٸڭ بٸرٸ ەبۋ ماحدي ەل-مۋحانديس تە مەرت بولعان. Associated Press اگەنتتٸگٸندەگٸ قۇپييا دەرەككٶزگە سەيكەس, سۋلەيماني مٸنگەن ۇشاق باعدات ەۋەجايىنا قونعان كەزدە ەۋەدەن سوققى جاسالعان.
سۋلەيماني يراننىڭ ەسكەري قۇرىلىمى مەن يسلام رەۆوليۋتسيياسى ساقشىلارى كورپۋسىنىڭ ەڭ ىقپالدى تۇلعالارىنىڭ بٸرٸ بولعان.
ەۋە شابۋىلى يراكتاعى امەريكا ەسكەريلەرٸ مەن يراندى قولدايتىن قارۋلى توپتار اراسىندا جاعداي ۋشىققان كەزدە جاسالىپ وتىر. 27 جەلتوقساندا يراكتاعى امەريكانىڭ ەسكەري بازاسىنا ەۋەدەن شابۋىل جاسالىپ, سونىڭ سالدارىنان كەلٸسٸم-شارت بويىنشا جۇمىس ٸستەگەن امەريكالىق سارباز مەرت بولعان. بۇعان "جاۋاپ" رەتٸندە جاسالعان ەۋە سوققىسىنان يران قولدايتىن قارۋلى توپتىڭ 25 سودىرى ٶلگەن.
31 جەلتوقساندا قارۋلى توپ ٶكٸلدەرٸ باعداتتاعى امەريكا ەلشٸلٸگٸن باسىپ الۋعا تىرىسىپ, ەلشٸلٸك اۋماعىنداعى بٸر عيماراتتى جويىپ جٸبەرگەن. ول جاققا 750 اقش ساربازىنىڭ جەتكٸزٸلگەنٸ بەلگٸلٸ بولعاننان كەيٸن ياعني, ەكٸ كٷننەن كەيٸن ەلشٸلٸك قورشاۋدان بوسادى.
اقش پرەزيدەنتٸ دونالد ترامپ ەلشٸلٸككە شابۋىلدى يران ۇيىمداستىردى دەپ ايىپتادى. تەگەران مۇنى جوققا شىعاردى.
سۋلەيمانيدٸڭ ٶلٸمٸنەن كەيٸن يران مەن يران قولدايتىن قارۋلى توپتار امەريكانىڭ تاياۋ شىعىستاعى ەسكەري نىساندارىنا شابۋىل جاسايدى دەگەن بولجام ايتىلىپ جاتىر.
