يراننىڭ رۋحاني كٶسەمٸ اياتوللا حامەنەي اقش-تاعى پرەزيدەنت سايلاۋىنىڭ ٶتۋ بارىسىن مىسقىلداپ, تارتىستى بەسەكەنٸ “سپەكتاكل” دەپ اتادى.
سايلاۋ ۋچاسكەلەرٸنٸڭ جابىلعانىنا 24 ساعاتتان استام ۋاقىت ٶتسە دە, اقش-تا پرەزيدەنت سايلاۋىنىڭ جەڭٸمپازى انىقتالمادى. بەسەكە ەرەكشە تارتىستى ٶتٸپ جاتقان شتاتتاردا داۋىس ساناۋ ەلٸ جالعاسىپ جاتىر.
دونالد ترامپ كەيبٸر شتاتتاردا زاڭبۇزۋشىلىق بولعانىن مەلٸمدەپ, سوتتان داۋىس ساناۋدى توقتاتۋدى سۇراعان. دەلەلٸ جوق ترامپتىڭ ەرەكەتٸن كٶپتەگەن رەسپۋبليكاشىل ەرٸپتەستەرٸ ايىپتاعان.
ال دجو بايدەن ەربٸر امەريكا ازاماتىنىڭ داۋىسى ەسەپتەلەتٸنٸن ايتىپ, ترامپ شتابىنىڭ "زاڭنامالىق قارسىلىعىنا" تٶتەپ بەرەتٸنٸن جەتكٸزدٸ.
“نە دەگەن سپەكتاكل! بٸرٸ امەريكا تاريحىندا بۇرىن-سوڭدى بولماعان جالعان سايلاۋ ٶتتٸ دەيدٸ. مۇنى قازٸر پرەزيدەنت كەڭسەسٸندە وتىرعان مەملەكەت باسشىسى ايتىپ وتىر. ال ونىڭ قارسىلاسى ترامپ سايلاۋدى ەدەيٸ بۇرمالاعىسى كەلەدٸ دەيدٸ. اقش-تاعى سايلاۋ مەن اقش دەموكراتيياسىنىڭ ناعىز بەينەسٸ وسى” دەپ جازدى حامەنەي Twitter-دە.
وسىعان دەيٸن حامەنەي اقش-تاعى سايلاۋدا كٸم جەڭسە دە, يراننىڭ اقش-قا قاتىسى ۇستانىمى ٶزگەرمەيدٸ دەپ مەلٸمدەگەن ەدٸ.
ترامپ 2015 جىلى يران جەنە ٶزگە الىپ مەملەكەتتەرمەن جاساسقان يادرولىق كەلٸسٸمنەن شىعىپ, تەگەرانعا ەكونوميكالىق قىسىمىن ٷدەتكەن ەدٸ.
ال بايدەن وسىعان دەيٸن سايلاۋدا جەڭسە, كەلٸسٸمگە قايتا قوسىلاتىنىن مەلٸمدەگەن.
ساراپشىلاردىڭ ايتۋىنشا, ۆاشينگتون مەن تەگەران اراسىنداعى قارىم-قاتىناستى اقش-تاعى سايلاۋ عانا شەشپەيدٸ.
2021 جىلى ماۋسىم ايىندا يراندا پرەزيدەنت سايلاۋى ٶتەدٸ. پرەزيدەنتتٸكتٸڭ ەكٸ مەرزٸمٸن اياقتاعان قازٸرگٸ باسشى حاسان روۋحاني بٸراق وعان قاتىسا المايدى. داۋلى يادرولىق كەلٸسٸمنٸڭ جاسالۋىنا كٶپ كٷش-جٸگەر جۇمساعان روۋحاني كەلٸسٸم سەتسٸز شىققانى ٷشٸن سىنشىلار قىسىمىنا ۇشىراعان.
يراندا بيلٸك باقىلاۋىمەن ٶتەتٸن پرەزيدەنت سايلاۋىنا ەدەتتە ساياسي, ەسكەري, دٸني ەليتادان ٸرٸكتەلگەن كانديداتتار قاتىسادى.
2017 جىلى پرەزيدەنت سايلاۋىنان كەيٸن حامەنەيگە جاقىن ساياساتكەرلەردٸڭ بٸرٸ روۋحاني جەڭگەن سايلاۋدا داۋىس ۇرلاۋ كٶپ بولعانىن مەلٸمدەگەن.
2009 جىلعى داۋلى سايلاۋدان كەيٸن ەلدە جاپپاي نارازىلىق تۇتانىپ, ارنايى جاساق دٶرەكٸ كٷش قولدانىپ, باسقان.
