ماڭعىستاۋ وبلىسىندا يراننان 1,7 ملرد تەڭگەگە تەمەكٸ كونترابانداسى دەرەگٸنٸڭ جولى كەسٸلدٸ, دەپ حابارلايدى "ۇلت اقپارات" قارجىلىق مونيتورينگ اگەنتتٸگٸنە سٸلتەمە جاساپ.
جىل سايىن تەمەكٸ ٶنٸمدەرٸنٸڭ قارا نارىعىنا ونداعان ميلليارد تەمەكٸ تاسىمالدانادى.
مىسالى, تەك ٶتكەن جىلى قازاقستانعا 1,2 ملرد استام تەڭگەگە 7,9 ملن استام تەمەكٸ قورابى زاڭسىز تاسىمالداندى.
كونتراباندا تەمەكٸ ٶنٸمدەرٸنە سالىق سالۋ جٷيەسٸنە نۇقسان كەلتٸرٸپ, تەمەكٸ شەگۋدٸ جاستارعا قول جەتٸمدٸ ەتۋ ارقىلى قوعامعا ايتارلىقتاي زييان كەلتٸرەدٸ.
كٶبٸنە تەمەكٸ ٶنٸمدەرٸنٸڭ كونترابانداسىنان تٷسەتٸن كٸرٸستەردٸ قىلمىستىق جەنە تەرروريستٸك توپتار قالتاسىنا باسادى. .
ماڭعىستاۋ وبلىسى بويىنشا ەكونوميكالىق تەرگەۋ دەپارتامەنتٸ يران رەسپۋبليكاسىنان قازاقستان اۋماعىنا تەمەكٸنٸڭ ەكونوميكالىق كونترابانداسىن ٸسكە اسىرعان قىلمىستىق توپ قىزمەتٸنٸڭ جولىن كەستٸ.
تەرگەۋ بارىسىندا اقتاۋ قالاسى «مورپورت» كەدەن بەكەتٸ باسشىسىنىڭ قولداۋىمەن يراننان كەراميكالىق پليتكا مەن تومات پاستاسى تٷرٸندە 30 كونتەينەر تەمەكٸ زاڭسىز تاسىمالدانعانى انىقتالدى.
تەمەكٸنٸڭ زاڭسىز كونترابانداسىنا كٶمەك كٶرسەتۋ ٷشٸن ۇقت مٷشەلەرٸ اقشالاي سىياقى ۇسىنعان.
تەركٸلەنگەن تەمەكٸنٸڭ كەدەندٸك قۇنى – 1,7 ملرد استام تەڭگەنٸ, كەدەندٸك تٶلەمدەر مەن سالىقتار – 4,8 ملرد استام تەڭگەنٸ قۇرادى.
باستى ۇيىمداستىرۋشى جەنە لاۋازىمدى تۇلعا – 10 جىلعا, قۇقىققا قارسى قىزمەتتٸڭ ٷش سىبايلاسى 5 جىلعا سوتتالدى.
