Mańǵystaý oblysynda Irannan 1,7 mlrd teńgege temeki kontrabandasy dereginiń joly kesildi, dep habarlaidy "Ult aqparat" Qarjylyq monitoring agenttigine silteme jasap.
Jyl saiyn temeki ónimderiniń qara naryǵyna ondaǵan milliard temeki tasymaldanady.
Mysaly, tek ótken jyly Qazaqstanǵa 1,2 mlrd astam teńgege 7,9 mln astam temeki qoraby zańsyz tasymaldandy.
Kontrabanda temeki ónimderine salyq salý júiesine nuqsan keltirip, temeki shegýdi jastarǵa qol jetimdi etý arqyly qoǵamǵa aitarlyqtai ziian keltiredi.
Kóbine temeki ónimderiniń kontrabandasynan túsetin kiristerdi qylmystyq jáne terroristik toptar qaltasyna basady. .
Mańǵystaý oblysy boiynsha ekonomikalyq tergeý departamenti Iran Respýblikasynan Qazaqstan aýmaǵyna temekiniń ekonomikalyq kontrabandasyn iske asyrǵan qylmystyq top qyzmetiniń jolyn kesti.
Tergeý barysynda Aqtaý qalasy «Morport» keden beketi basshysynyń qoldaýymen Irannan keramikalyq plitka men tomat pastasy túrinde 30 konteiner temeki zańsyz tasymaldanǵany anyqtaldy.
Temekiniń zańsyz kontrabandasyna kómek kórsetý úshin UQT músheleri aqshalai syiaqy usynǵan.
Tárkilengen temekiniń kedendik quny – 1,7 mlrd astam teńgeni, kedendik tólemder men salyqtar – 4,8 mlrd astam teńgeni qurady.
Basty uiymdastyrýshy jáne laýazymdy tulǵa – 10 jylǵa, quqyqqa qarsy qyzmettiń úsh sybailasy 5 jylǵa sottaldy.
