قازاقستان رەسپۋبليكاسىنىڭ سىرتقى ٸستەر مينيسترلٸگٸ ۇشاق بورتىندا قازاقستاندىقتاردىڭ بار-جوعىن تەكسەرٸپ جاتىر, – دەپ حابارلايدى Baq.kz.
«ۇشاق اپاتىنان حاباردارمىز. قازٸر قر سىرتقى ٸستەر مينيسترلٸگٸنٸڭ يرانداعى ٶكٸلدەرٸ ۇشاق بورتىندا قازاقستاندىقتاردىڭ بار-جوعىن تەكسەرٸپ جاتىر. يرانداعى ديپلوماتتاردان حابار كٷتٸپ وتىرمىز. ولار يراننىڭ قۇزىرەتتٸ ورگان قىزمەتكەرلەرٸمەن بايلانىستا وتىر. اقپارات كەلگەن كەزدە حابارلاما تاراتامىز» دەدٸ سٸم باسپاسٶز قىزمەتٸ باسقارماسىنىڭ باسشىسى نۇربەك الماشەۆ.
بۇعان دەيٸن ۇشاق بورتىندا 180 جولاۋشى بولعانى حابارلاندى. لاينەر تەگەران ەۋەجايىنىڭ ماڭىندا ەۋەگە كٶتەرٸلگەن كەزدە قۇلاعان. باق اقپاراتتارىنا سٷيەنسەك, ۇشاق كيەۆكە ۇشقان. ەزٸرگە زارداپ شەككەندەر تۋرالى اقپارات جوق.
