يراندا سالماعى 800 گرامم بولىپ تۋعان نەرەستە كوروناۆيرۋستان جازىلىپ كەتتٸ, دەپ حابارلايدى يرنا اگەنتتٸگٸ.
يەزد قالاسىندا شاحيد سادۋگا اتىنداعى مەديتسينالىق عىلىمدار ۋنيۆەرسيتەتٸنٸڭ دەنساۋلىق ساقتاۋ مەسەلەلەرٸ جٶنٸندەگٸ ورىنباسارى ماحمۇد نۋري كوروناۆيرۋس جۇقتىرعان نەرەستەنٸڭ جازىلىپ شىققانى تۋرالى حابارلادى.
«ەمٸر ارسالاننىڭ (جاڭا تۋعان نەرەستە) قازٸرگٸ كەزدە سالماعى - بٸر كەلٸ, 200 گرامم. وعان ەربٸر ٷش ساعات سايىن 15 ميليليتر سٷت بەرٸلۋدە», - دەدٸ ول.
ونىڭ ايتۋىنشا, بالا شوحاد-كارگار اۋرۋحاناسىنداعى قارقىندى تەراپييا بٶلٸمٸندەگٸ مەدبيكەلەر مەن دەرٸگەرلەردٸڭ كٷش سالۋىنىڭ ارقاسىندا امان قالدى.
«دەرٸگەر رەتٸندە مەن قىمباتتى ارسالان مەن ونىڭ اناسىنىڭ جازىلىپ شىققانىنا قۋانىشتىمىن», - دەدٸ ول.
يران كوروناۆيرۋستى جەڭگەن ەلدەردٸڭ الدىڭعى قاتارىندا ەدٸ. وسى ۋاقىتقا دەيٸن وندا ۆيرۋس جۇقتىرعان شامامەن 90 مىڭ ادامنىڭ 70 مىڭعا جۋىعى جازىلىپ, اۋرۋحانادان شىعارىلدى.
