Iranda salmaǵy 800 gramm bolyp týǵan náreste koronavirýstan jazylyp ketti, dep habarlaidy Irna agenttigi.
Iezd qalasynda Shahid Sadýga atyndaǵy Meditsinalyq ǵylymdar ýniversitetiniń densaýlyq saqtaý máseleleri jónindegi orynbasary Mahmud Nýri koronavirýs juqtyrǵan náresteniń jazylyp shyqqany týraly habarlady.
«Ámir Arsalannyń (jańa týǵan náreste) qazirgi kezde salmaǵy - bir keli, 200 gramm. Oǵan árbir úsh saǵat saiyn 15 mililitr sút berilýde», - dedi ol.
Onyń aitýynsha, bala Shohad-Kargar aýrýhanasyndaǵy qarqyndy terapiia bólimindegi medbikeler men dárigerlerdiń kúsh salýynyń arqasynda aman qaldy.
«Dáriger retinde men qymbatty Arsalan men onyń anasynyń jazylyp shyqqanyna qýanyshtymyn», - dedi ol.
Iran koronavirýsty jeńgen elderdiń aldyńǵy qatarynda edi. Osy ýaqytqa deiin onda virýs juqtyrǵan shamamen 90 myń adamnyń 70 myńǵa jýyǵy jazylyp, aýrýhanadan shyǵaryldy.
