يران بيلٸگٸ ونلاين جۇمىسى 2017 جىلى جاپپاي نارازىلىققا شىعۋعا الىپ كەلدٸ دەگەن ديسسيدەنت جۋرناليست رۋحوللا زامدى ٶلٸم جازاسى ٷكٸمٸمەن دارعا استى. بۇل تۋرالى 12 جەلتوقسان كٷنٸ ISNA اقپاراتتىق اگەنتتٸگٸ حابارلادى.
وسىدان بٸرنەشە كٷن بۇرىن يران جوعارعى سوتى 47 جاستاعى جۋرناليستٸڭ ٷكٸمٸن كٷشٸندە قالدىرعان. سوتتىڭ بۇل شەشٸمٸن حالىقارالىق قاۋىمداستىق سىنعا الدى.
رۋحوللا زامدى ٶلٸم جازاسىنا ماۋسىم ايىندا رەۆوليۋتسييا سوتى كەسكەن. "شەكاراسىز تٸلشٸلەر" (RSF – Reporters without border) ۇيىمى ٷكٸمدٸ ەدٸلەتسٸز دەپ اتادى.
رەۆوليۋتسييالىق سوت جۋرناليستٸ "زۇلىمدىق پەن زورلىقتى تاراتتى" دەپ ايىپتادى. يراندا بۇل ايىپتى ەدەتتە تىڭشىلىق جاساۋ نە بيلٸكتٸ تٶڭكەرۋ ٸستەرٸ بويىنشا تاعادى.
رۋحوللا زام نەگٸزٸن قالاعان AmadNews سايتى مەن Telegram-كانال 2017 جىلعى نارازىلىق كەزٸندە حالىققا قارسىلىق اكتسيياسىنىڭ ٶتەتٸن ۋاقىتى جٶنٸندە حابار بەرٸپ, يران شەنەۋنٸكتەرٸن ماسقارالايتىن اقپارات جارييالاپ وتىردى.
يرانداعى 2017 جىلعى نارازىلىق 2009 جىلدان بەرگٸ ەڭ ٸرٸ قارسىلىق بولدى. سايلاۋ نەتيجەسٸنەن كەيٸن ەلدە تولقۋ بولىپ, پوليتسييا مىڭداعان ادامدى قاماۋعا الدى, 25 ادام قازا تاپتى.
زام پاريجدە تۇرىپ, سول جاقتان جۇمىس ٸستەگەن. بٸراق كەيٸن يران بيلٸگٸ ونى ايلا ارقىلى ەلگە كەلتٸرٸپ, 2019 جىلى قازاندا بەلگٸسٸز جاعدايدا قاماۋعا العان. فرانتسييا بيلٸگٸ تەگەراننىڭ بۇل ەرەكەتٸن قاتاڭ ايىپتادى. ودان كەيٸنگٸ ايلاردا يران تەلەارنالارى زامنىڭ زاڭدى بۇزعانىن مويىنداپ, ەرەكەتٸ ٷشٸن كەشٸرٸم سۇرايتىن ۆيدەوسىن جارييالادى.
وعان دەيٸن ول ٶزٸنە تاعىلعان ايىپتى جوققا شىعارعان. يران تۇتقىنداردى قىسىم نە ازاپ ارقىلى "كٸنەسٸن مويىنداتۋعا" جيٸ بارادى.
