يراننىڭ فوردوداعى جەر استى زاۋىتىندا ۋران بايىتۋدى باستاعانى تەگەران مەن ەلەمنٸڭ جەتەكشٸ ەلدەرٸنٸڭ اراسىنداعى كەلٸسٸمگە نۇقسان كەلتٸرەدٸ, - دەپ مەلٸمدەدٸ بۇۇ اتوم ەنەرگەتيكاسى بويىنشا اگەنتتٸگٸ (ماگاتە). ۇيىمنىڭ ۆەناداعى شتاب-پەتەرٸ يراننىڭ بايىتىلعان ۋران قورى كٶبەيٸپ كەلە جاتقانىن اتاپ ٶتتٸ.
Reuters اگەنتتٸگٸ يران ۇستانىمى 2015 جىلى جاسالعان حالىقارالىق كەلٸسٸمدە كٶرسەتٸلگەن شەكتەۋلەرگە قايشى دەپ كٶرسەتەدٸ.
يران بيلٸگٸ ۋران بايىتۋعا قايتا كٸرٸسكەنٸن اقش-تىڭ 2018 جىلى جاسالعان «يادرولىق كەلٸسٸمنەن» شىعۋىنا جاۋاپ دەپ سانايدى. ول كەلٸسٸمگە بۇۇ قاۋٸپسٸزدٸك كەڭەسٸنٸڭ تۇراقتى مٷشەلەرٸ - اقش, رەسەي, قىتاي, ۇلىبريتانييا, فرانتسييا قول قويعان ەدٸ. وعان گەرمانييا دا قوسىلعان. يران بيلٸگٸ ەگەر اقش ۆاشينگتون كەلٸسٸمنەن شىققاننان كەيٸن ەنگٸزگەن سانكتسييالاردىڭ كٷشٸن جويسا, ۋران بايىتۋ ٸسٸن قايتا قاراستىرۋعا دايىن ەكەنٸن مەلٸمدەدٸ.
