Irannyń Fordodaǵy jer asty zaýytynda ýran baiytýdy bastaǵany Tegeran men álemniń jetekshi elderiniń arasyndaǵy kelisimge nuqsan keltiredi, - dep málimdedi BUU atom energetikasy boiynsha agenttigi (MAGATE). Uiymnyń Venadaǵy shtab-páteri Irannyń baiytylǵan ýran qory kóbeiip kele jatqanyn atap ótti.
Reuters agenttigi Iran ustanymy 2015 jyly jasalǵan halyqaralyq kelisimde kórsetilgen shekteýlerge qaishy dep kórsetedi.
Iran biligi ýran baiytýǵa qaita kiriskenin AQSh-tyń 2018 jyly jasalǵan «iadrolyq kelisimnen» shyǵýyna jaýap dep sanaidy. Ol kelisimge BUU qaýipsizdik keńesiniń turaqty músheleri - AQSh, Resei, Qytai, Ulybritaniia, Frantsiia qol qoiǵan edi. Oǵan Germaniia da qosylǵan. Iran biligi eger AQSh Vashington kelisimnen shyqqannan keiin engizgen sanktsiialardyń kúshin joisa, ýran baiytý isin qaita qarastyrýǵa daiyn ekenin málimdedi.
