6 قاڭتاردا تەگەراندا مىڭداعان ادام گەنەرال كاسەم سٷلەيمانيمەن قوشتاسۋ ٷشٸن قالا كٶشەلەرٸنە شىقتى. «قۇدس كٷشتەرٸنٸڭ» قولباسشىسى گەنەرال سٷلەيماني 3 قاڭتاردا باعدات ەۋەجايىندا اقش-تىڭ ەۋە شابۋىلى كەزٸندە قازا بولعان.
يرانداعى تەلەارنالاردىڭ بارلىعى سٷلەيمانيمەن قوشتاسۋ رەسٸمٸن كٶرسەتتٸ. ال اياتوللا الي حامەنەي سٷلەيمانيگە باعىشتاپ قۇران وقىدى.
قۇراننان كەيٸن جينالعاندار «امەريكاعا ٶلٸم» دەپ ايعايلادى. سٷلەيمانيدٸڭ قىزى ەكەسٸنٸڭ ٶلٸمٸ اقش پەن ونىڭ وداقتاسى يزرايل ٷشٸن «قارا كٷن» بولاتىنىن ايتتى.
«اقىماق ترامپ, ەكەمنٸڭ ٶلٸمٸمەن بەرٸ بٸتتٸ دەپ ويلاما» دەدٸ زەيناب سٷلەيماني.
اقش پرەزيدەنتٸ دونالد ترامپ «ەگەر تەگەران سٷلەيمانيدٸڭ ٶلٸمٸنە كەك قايتارسا, وندا يراننىڭ 52 جەرٸن, مەدەني نىساندارىن اتقىلايتىنىن» ايتىپ, سەس كٶرسەتكەن.
«ولار بٸزدٸڭ ادامداردى ٶلتٸرەدٸ, قينايدى. ولار مينا قولدانىپ, بٸزدٸڭ ادامداردى جارىپ جاتىر. ال بٸز ولاردىڭ مەدەني جەرلەرٸنە تيٸسپەۋٸمٸز كەرەك ەكەن. ولاي بولمايدى» دەدٸ ترامپ.
ايتا كەتەيٸك, سٷلەيماني «قۇدس كٷشتەرٸنٸڭ» قولباسشىسى رەتٸندە شەتەلدەگٸ, سونىڭ ٸشٸندە يراك, سيرييا جەنە يەمەندەگٸ ارنايى وپەراتسييالاردى باسقارعان. ول 3 قاڭتاردا باعدات ەۋەجايىنداعى ەۋە شابۋىلىنان قازا تاپقان. سٷلەيمانيدىڭ كٶزٸن جويۋعا اقش پرەزيدەنتٸ دونالد ترامپتىڭ بۇيرىق بەرگەنٸ بەلگٸلٸ بولدى.
وسىدان كەيٸن يراك اقش-تان ەل اۋماعىنداعى ەسكەرٸن الىپ كەتۋدٸ تالاپ ەتكەن. اقش پرەزيدەنتٸ ترامپ يراك ەلدەن امەريكالىق ەسكەريلەردٸ شىعارسا, سانكتسييا سالاتىنىن مەلٸمدەدٸ.
بۇل ۋاقىتتا اقش مەملەكەتتٸك حاتشىسى مايك پومپەو دا تەگەران سٷلەيمانيدٸڭ ٶلٸمٸنە كەك الۋعا ەرەكەت ەتسە, يران ليدەرلەرٸنٸڭ كٶپشٸلٸگٸ «نىساناعا» اينالاتىنىن ەسكەرتتٸ. پومپەو يران ٶزگە ەلدەردەگٸ, ياعني, يراك, سيرييا, يەمەن, ليۆانداعى ەسكەري كٷشتەردٸ اقش-قا قارسى سوققى جاساۋعا پايدالاناتىن بولسا, وعان اياۋسىز قارىمتا جاسالادى دەگەن.
سٷلەيمانيدٸڭ ورنىنا تاعايىندالعان گەنەرال يسمايل كااني قاڭتاردىڭ 6-سٸ كٷنٸ يراننىڭ مەملەكەتتٸك تەلەارناسىنا بەرگەن سۇحباتىندا ەسە قايتارىپ, كەك الۋعا ۋەدە ەتتٸ.
يسمايل كااني بۇعان دەيٸن «قۇدس كٷشتەرٸ» ەليتالىق جاساعى باسشىسىنىڭ ورىنباسارى بولعان.
گەنەرال سٷلەيماني قاڭتاردىڭ 7-سٸ كٷنٸ تۋعان قالاسى كەرمانعا جەرلەنەدٸ.
