يراكتىڭ بارلاۋ قىزمەتٸ "يسلام مەملەكەتٸ" (يم) تەرروريستٸك توبىنىڭ جەتەكشٸسٸن قاماۋعا العانىن مەلٸمدەدٸ. بۇل تۋرالى "ەل-ارابييا" ارناسى حابارلادى.
ارنايى قىزمەت ٶكٸلدەرٸنٸڭ حابارلاۋىنشا, قاماۋعا الىنعان ادام بىلتىر قازان ايىندا امەريكا ەسكەريلەر يم-نٸڭ بۇرىنعى باسشىسى ەبۋ بەكٸر ەل-باعداديدٸ ٶلتٸرگەننەن كەيٸن ۇيىمدى باسقارعان.
"يسلام مەملەكەتٸ" ۇيىمىنىڭ حابارلامالارىندا ۇيىم باسشىسىنىڭ اتى-جٶنٸ ەبۋ يبراگيم ەل-حاشيمي ەل-كۋراشي دەپ ايتىلادى. ۆاشينگتوننىڭ پٸكٸرٸنشە, بۇل ۇيىمنىڭ نەگٸزٸن قالاۋشىلاردىڭ بٸرٸ ەرٸ يدەولوگى ەمٸر مۇحاممەد ەبدەل راحمان ەل-ماۋلدٸڭ لاقاپ اتى بولۋى مٷمكٸن. بۇل تۋرالى "امەريكا داۋىسى" جازعان. يراك بارلاۋ قىزمەتٸنٸڭ ايتۋىنشا, قاماۋعا الىنعان ادامنىڭ شىن اتى - ەبدەلناسىر ەل-كيرداش.
ونىڭ تولىق ٶمٸربايانى ايتىلمايدى. رەسەيلٸك Directorate 4 تەلەگرام-ارناسى اتى-جٶنٸن ايتپاعان يراك ساراپشىسىنا سٸلتەمە جاساي وتىرىپ, قاماۋعا الىنعان ادام "ەل-قايدانىڭ" جوعارى لاۋازىمدى مٷشەسٸ بولۋى مٷمكٸن دەپ توپشىلايدى. سونداي-اق, 2011-2019 جىلدارى يم-نٸڭ سيريياداعى جەتەكشٸسٸ بولعان-مىس.
يم جەتەكشٸسٸنٸڭ قاشان جەنە قاي جەردە قاماۋعا الىنعانى ايتىلمايدى. بارلاۋ قىزمەتٸنٸڭ مەلٸمەتٸ نەگٸزٸندە ۇستالعانى عانا بەلگٸلٸ. "ەل-ارابييا" ارناسىنىڭ حابارلاۋىنشا, سەۋٸر ايىنىڭ باسىندا يراكتىڭ بارلاۋ قىزمەتٸنٸڭ جەتەكشٸسٸ مۋستافا ەل-كازەمي يراك ٷكٸمەتٸن باسقارعان.
