قر بٸلٸم جەنە عىلىم مينيسترٸنٸڭ كەڭەسشٸسٸ رايسا شەر يراكتان قايتارىلعان بالالارمەن قانداي ماماندار جۇمىس جٷرگٸزٸپ جاتقانىن ايتىپ بەردٸ, دەپ حابارلايدى "ۇلت اقپارات".
«14 بالانىڭ 10-ى - مەكتەپكە ەلٸ بارماعان بالالار. تٶرتەۋٸ – وقۋشى. سىرتقى ٸستەر مينيسترلٸگٸ بعم مەن باسقا دا مەملەكەتتٸك ورگانداردىڭ كٶمەگٸمەن جاسٶسپٸرٸمدەردٸ قايتارۋ جٶنٸندە ارنايى ٸس-ەرەكەت جوسپارىن بەكٸتكەن بولاتىن. قازٸرگٸ تاڭدا بالالاردىڭ بەرٸ نۇر-سۇلتان قالاسىنىڭ ٶمٸرلٸك قيىن جاعدايدا قالعان بالالاردى قولداۋ ورتالىعىندا. ورتالىقتا بالالار ٷشٸن بارلىق جاعداي جاسالعان. مەديتسينالىق پەرسونال تولىق. اس مەزٸرٸ, كٷن تەرتٸبٸ تٷگەل بەكٸتٸلگەن. بالالارمەن ەرتٷرلٸ سالاداعى ماماندار جۇمىس جٷرگٸزەدٸ. ولاردىڭ ٸشٸندە پسيحولوگتار, تەربيەشٸلەر, مۇعالٸمدەر مەن ەلەۋمەتتٸك قىزمەتكەرلەر بار», - دەيدٸ بٸلٸم جەنە عىلىم مينيسترٸنٸڭ كەڭەسشٸسٸ.
رايسا شەردٸڭ ايتۋىنشا, كٷنٸ كەشە يراكتان قايتارىلعان بالالاردى 15 دەرٸگەر تەكسەرٸپ, تيٸستٸ پروتسەدۋرالاردى ٶتكٸزگەن.
«بالالار ورتالىقتا جٷگٸرٸپ ويناپ, ٶزدەرٸن جايلى سەزٸنە باستادى. انالارىمەن بٸرگە يراكتا تۇرعان بالالار ەش جەردە وقىماعان. ەشقانداي بالاباقشا نەمەسە مەكتەپكە بارماعان. سوندىقتان, ەكٸ كٷننٸڭ ٸشٸندە ماماندار بالالاردىڭ پسيحولوگييالىق جاعدايىن تەكسەرٸپ, بٸلٸمٸ مەن داعدىلارىن باقىلايدى. بٸرنەشە كٷننەن كەيٸن ەر بالامەن جەكە جۇمىس ٸستەيتٸن جەكە جوسپار ەزٸرلەنەدٸ. بارلىق تيٸستٸ پروتسەدۋرا جٷرگٸزٸلگەننەن كەيٸن بالالاردىڭ بەرٸ تۋىستارىنا تاپسىرىلادى. تۋىستارى كٷنٸ كەشە ولاردى ەۋەجايدان كٷتٸپ العان بولاتىن», - دەدٸ ول.
رايسا شەر يراكتان كەلگەن بالالاردىڭ احۋالى تۋرالى ايتتى.
«سيرييادان ورالعان بالالار انالارىمەن بٸرگە كەلدٸ. ال يراكتان كەلگەندەر اتا-اناسىز قايتتى. سوندىقتان, ولار اتا-انا قامقورلىعىنسىز قالعان بالالار ساناتىنا جاتادى. سول سەبەپتٸ, بٸز تەزٸرەك بارلىق ۇيىمداستىرۋ پروتسەدۋراسىن جٷرگٸزٸپ, بالالاردى تۋعان-تۋىستارىنا تاپسىرۋعا تىرىسامىز», - دەدٸ ول.
مينيستردٸڭ كەڭەسشٸسٸ بالالاردىڭ بەرٸ قوعامعا بەيٸمدەلگەننەن كەيٸن مەكتەپكە, بالاباقشالارعا بارىپ, جەرگٸلٸكتٸ اۋرۋحانالارعا تٸركەلەتٸنٸن ايتىپ ٶتتٸ.
ال سىرتقى ٸستەر مينيسترٸ ەرجان اشىقباەۆتىڭ ايتۋىنشا, يراكتان قايتقان بالالار تٸلدٸ جەتٸك بٸلەدٸ دەپ ايتۋ قيىن. قازٸر ولارعا ورتالىقتا ارنايى دياگنوستيكا جٷرگٸزٸلەدٸ. جالپى, بالالار قازاقشا دا, ورىسشا دا تٷسٸنەدٸ. بالالاردىڭ انالارى ٶمٸر بويىنا باس بوستاندىعىنان ايىرىلعان.
«بٸزدٸڭ رەسمي دەرەكتەرگە سەيكەس, يراكتا قازاقستان بالالارى جوق. جالپى, وپەراتسيياعا 57 ملن تەڭگە جۇمسالدى. بۇل قارجىنىڭ نەگٸزگٸ بٶلٸگٸ بالالاردى قايتارۋعا ارنالعان ۇشاقتى جالداۋ ٷشٸن جۇمسالعان. ال ەندٸ ساۋىقتىرۋ مەسەلەسٸ دە, باسقا پروتسەدۋرالار دا ورتالىق جەنە جەرگٸلٸكتٸ مەملەكەتتٸك ورگانداردىڭ بيۋدجەتٸمەن قارجىلاندىرىلادى», - دەدٸ ەرجان اشىقباەۆ.
ەسكە سالا كەتسەك, قر پرەزيدەنتٸ قاسىم-جومارت توقاەۆتىڭ تاپسىرماسى بويىنشا جٷزەگە اسىرىلعان گۋمانيتارلىق اكتسييا نەتيجەسٸندە يراك تٷرمەسٸندە ٶز انالارىنىڭ جانىندا جاتقان 14 قازاقستاندىق بالا قايتارىلعان بولاتىن.
